Gujarati News

Gujarati News

News of Thursday, 4th January 2018

યુવકને ઢોર માર મારી જબરદસ્તી રીતે લગ્ન કરાવતો એક વીડિયો હાલ સોશિયલ મીડિયામાં વાઇરલ થયો

આ વીડિયોમાં એક તરફ વિનોદકુમાર રડી રહ્યો છે ને બીજી બાજુ તેની પાસે : જબરદસ્તીથી કન્યાના લલાટમાં સિંદૂર પૂરાવવામાં આવી રહ્યું છે

પટણા તા. ૪ : બિહારમાં એક ખતરનાક ઘટના સામે આવી છે. બિહારનાં એક વ્યકિતને બંધક બનાવીને તેને જબરદસ્તી લગ્ન કરાવવાની એક ઘટના સામે આવી છે. આ યુવકને ઢોર માર મારી જબરદસ્તી રીતે લગ્ન કરાવતો એક વીડિયો હાલ સોશિયલ મીડિયામાં વાઇરલ થયો છે. ૩જી ડિસેમ્બરનાં રોજ આ ઘટના બની છે અને ૪થી ડિસેમ્બરનાં રોજ પોલીસ સ્ટેશનમાં ફરિયાદ પણ કરવામાં આવી છે.

જો કે પોલીસે હજી સુધી પણ એક મહિના બાદ પણ આ મામલે કોઇ જ કાર્યવાહી કરી નથી. જેવો પીડિત યુવકનાં ભાઇએ પોલીસ પર આ મામલે ગંભીર બેદરકારીનો આરોપ લગાવ્યો છે.

મળતી માહિતી મુજબ જાણવા મળ્યું છે કે પીડિત વિનોદકુમાર પોતે ઝારખંડનાં બોકારો સ્ટીલ પ્લાન્ટમાં એકઝીકયૂટિવ એન્જીનિયર તરીકે કામ કરે છે. તે જયારે પોતાનાં મિત્રનાં લગ્નમાં જઇ રહ્યો હતો તેવાં સમયે વિનોદકુમારનું અપહરણ કરવામાં આવ્યું અને તેને બંધક બનાવી લેવામાં આવ્યા બાદ તેને જબરદસ્તીથી લગ્ન કરાવવામાં આવ્યાં.

પરંતુ વિનોદકુમારે લગ્ન કરવાનો સ્પષ્ટપણે ઇન્કાર કરી દીધો હતો. પરંતુ તેને ઢોર માર મારવામાં આવ્યો. આ વીડિયોમાં એક તરફ વિનોદકુમાર રડી રહ્યો છે. ને બીજી બાજુ તેની પાસે જબરદસ્તીથી કન્યાનાં લલાટમાં સિંદૂર પૂરાવવામાં આવી રહ્યું છે.

ઉલ્લેખનીય છે કે બિહારમાં પહેલાં પકડૌવા વિવાહની પરંપરા હતી. જે પરંપરા મુજબ પકડૌવા વિવાહમાં યુવકને જબરદસ્તી પકડી કોઇ પણ યુવતી સાથે તેને જબરદસ્તી પરણાવી દેવામાં આવે છે. પરંતુ હવે આ પ્રથાનો બિહારમાં અંત આવ્યો છે. જો કે આ ઘટના બાદ એવું લાગી રહ્યું છે કે કદાચ હજુ પણ બિહારમાં આ પ્રથા ચાલી રહી છે.

 

(11:30 am IST)
  • વિદેશ પ્રધાન સુષ્મા સ્વરાજે જણાવ્યું હતું કે ભારત સંયુક્ત રાષ્ટ્ર (યુએન)માં હિન્દી ભાષાને અધિકૃત ભાષાનો દરજ્જો દેવડાવવા માટે જરૂરી ખર્ચ કરવા તૈયાર છે, પરંતુ તેમાં યુએનના નિયમો અવરોધરૂપ છે. વાસ્તવમાં, યુએનમાં સત્તાવાર દરજ્જો દેવડાવવા માટે 193 દેશોમાં 129 દેશોનું સમર્થન જરૂરી છે. access_time 10:12 am IST

  • જમ્મુ કાશ્મીરઃ આરએસપુરા સેકટરમાં બીએસએફને મોટી સફળતાઃ એક ઘુસણખોરને ઠાર કરાયોઃ પાક.ની બે ચોકીઓ પણ ઉઠાવી access_time 12:19 pm IST

  • જમ્મુ અને કાશ્મીરના આરએસ પુરા સેક્ટરના અર્નિયા વિસ્તારમાં આંતરરાષ્ટ્રીય સરહદ પર બોર્ડર સિક્યોરિટી ફોર્સ (બીએસએફ) દ્વારા એક ઘૂસણખોરને ઠાર કરાયો છે. access_time 9:52 am IST