Gujarati News

સરકારી ટેલિકોમ કંપની BSNLએ 18 રૂપિયાના એક સ્પેશિયલ ટેરિફ વાઉચર ને પોતાની 18મી એનિવર્સરીના ઓફરે રજૂ કર્યો છે. તેને સમગ્ર દેશમાં લોન્ચ કરાયો છે. કંપનીના આ 18 રૂપિયાના પ્લાનમાં બે દિવસ માટે અનલિમિટેડ વોઈસ કોલ્સ, અનલિમિડેટ વીડિયો કોલ્સ અને અનલિમિડેટ ડેટા એક્સેસ આપવામાં આવશે.

18 રૂપિયાના વાઉચર ઉપરાંક કંપનીએ STV 1801, STV 1201, અને STV 601 પ્લાન પણ રજૂ કર્યા છે. કંપનીએ જાણકારી આપી કે તેમાં એક નિશ્ચિત ડેટા અમાઉન્ટ સાથે સાથે 18 ટકા વધારે ટોક ટાઈમ આપવામાં આવશે. જોકે 18 રૂપિયાવાળા પ્લાનમાં સૌથી ખાસ તે છે કે તેમાં ગ્રાહકોને બે દિવસ માટે કોઈપણ લિમિટ સુધી અનલિમિટેડ વોઈસ કોલ અને અનલિમિટેડ ડેટા આપવામાં આવશે. આવો પ્લાન ઈન્ડસ્ટ્રીમાં આજસુધી નથી જોવા મળ્યો.

18 રૂપિયાા પ્લાનની વાત કરીએ તો તેમાં ગ્રાહકને ભારતના કોઈપણ નેટવર્ક પર અનલિમિટેડ કોલ કરી શકે છે. સાથે જ અહીં ગ્રાહકોને અનલિમિટેડ ડેટા પણ મળશે. આ ઉપરાંત કંપની અનલિમિટેડ વીડિયો કોલિંગની પણ જાણકારી આપી છે. ગ્રાહક આ પ્લાનનો ફાયદો 1લી ઓક્ટોબરથી લઈને 18 ઓક્ટોબર સુધી ઉઠાવી શકશે.

તમારી જાણકારી માટે જણાવી દઈએ કે BSNLની સ્થાપના 18 વર્ષ પહેલા 1 ઓક્ટોબર વર્ષ 2000માં થઈ હતી. BSNLના આ પ્લાનની તુલના જિયોના 19 રૂપિયાવાળા પ્લાન સાથે કરી શકો છો. તેમાં અનલિમિટેડ કોલ, 0.15GB ડેટા અને 20 SMS આપવામાં આવે છે. તેની વેલિડિટી 1 દિવસની છે.