Gujarati News

Gujarati News

News of Saturday, 1st August 2020

કિંમત છે ૧.૫૩ લાખ : ઊંચાઇ ૮ ફુટ

ઈદની કુરબાની માટે માણસની સાઈઝનો ૧૪૮ કિલોનો બકરો

 દુર્ગ,તા.૧ : છત્તીસગઢના દુર્ગ જિલ્લામાં આજકાલ બકરો તેના ઘણા અનોખા કારણોસર ચર્ચાનો વિષય બન્યો છે. આ બકરાની વિશિષ્ટતા કોઈને પણ આશ્ચર્યચકિત કરી દે છે. આ બકરાની વિશિષ્ટતા એ છે કે તે ૮ ફૂટ લાંબો છે અને તેનું વજન ૧૬૦ કિલો છે. આ બકરો બકરીઈદ માટે પંજાબથી ભીલા પહોંચ્યો છે. તેના કદ- કાઠી અને વિશિષ્ટતાને જોવા માટે લોકોના ટોળા ઉમટતા રહ્યા છે. આ વખતે લોકડાઉન દરમિયાન વહીવટીતંત્રની ગાઇડલાઇન મુજબ બકરીઈદનો ઉત્સવ ઉજવાશે. બકરીઈદ માટે બલિ ચડાવવા માટે એકથી વધુ બકરા શહેરમાં આવ્યા હતા .અલગ અલગ નસ્લની વિવિધ બકરીઓની કિંમત પણ આશ્ચર્યજનક છે. હાલમાં ખરીદદારો બહાર ન જઇ શકવાને કારણે ઘરેથી બકરાઓ ઓનલાઇન ખરીદી રહ્યા છે.

આ વચ્ચે શહેરમાં બકરાની ચર્ચાએ જોર પકડ્યું છે. આ સામાન્ય બકરી નથી પરંતુ તેની વિશિષ્ટતાને લીધે તેને અન્ય બકરાથી અલગ પાડે છે. તોતાપારી અને જમનાપારી ક્રોસ બ્રિડિંગ નસ્લની આ બકરા દેખાવમાં જેટલું ખાસ છે તેટલી જ તેની વિશેષતાઓ છે. છત્તીસગઢના દુર્ગ જીલ્લા ભીલાઈ ફરીદ નગરના રહેવાસી આઈઅહેમદ ઉર્ફે લાલ બહાદુર તેનો માલિક છે. તેણે આ બકરાને ૧.૫૩ લાખ રૂપિયામાં ખરીદ્યો છે.

માહિતી મુજબ લાલબહાદુર એક અઠવાડિયા પહેલા પંજાબથી આ બકરો લાવ્યો છે. અહેમદ ઉર્ફે લાલ બહાદુર ફરિદ નગરનો રહેવાસી છે. બકરી વિશે અહેમદે કહ્યું કે તેણે આ બકરો પંજાબથી ખરીદ્યો હતો. પંજાબથી ૧.૫૩ લાખ રૂપિયાની કિંમતની આ બકરો લાવવામાં ૨૩,૦૦૦ રૂપિયાનો ખર્ચ થયો છે. બકરાનું વજન ૧૪૮ કિલો છે. બકરો ૮ ફુટ લાંબો છે અને તે પોતાના ગળાને ૧૦ ફૂટ સુધી ઊંચું લઈ જઈ શકે છે. બકરાના આહાર વિશે તેમણે કહ્યું કે તે કંઈ ખાસ નથી પરંતુ તે ફળોનો શોખીન છે અને સાથે સાથે તાજી શાકભાજી પણ ખૂબ જ સ્વાદિષ્ટ રીતે ખાય છે. અહેમદે કહ્યું કે આ બકરી ઈદની કુરબાની માટે એને લાવવામાં આવ્યો છે.

(11:10 am IST)
  • દેશમાં કોરોનાનો કહેર : છેલ્લા 24 કલાકમાં 54,865 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 17,51,919 કેસ થયા :5,67,205 એક્ટિવ કેસ :કુલ 11,46,879 દર્દીઓ રિકવર થયા :વધુ 852 લોકોના મોત :મૃત્યુઆંક 37,403 થયો :મહારાષ્ટ્રમાં નવા 9601 કેસ : તામિલનાડુમાં 5879 કેસ : આંધ્રપ્રદેશમાં નવા 9276 કેસ: દિલ્હીમાં 1118 કેસ : કર્ણાટકમાં નવા 5172 કેસ :ઉત્તર પ્રદેશમાં 3587 કેસ અને પશ્ચિમ બંગાળમાં વધુ 2589 કેસ :બિહારમાં 3521 નવા કેસ, તેલંગાણામાં 2083 કેસ,રાજસ્થાનમાં 1160 કેસ અને આસામમાં 1457 નવા કેસ અને ઓરિસ્સામાં 1602 કેસ નોંધાયા access_time 12:42 am IST

  • દાહોદના ફતેપુરમાં ગેરકાયદે ખાતરનો જથ્થો ઝડપાયો : લાયસન્સ વિનાની ૪ર૩ થેલી ખાતર ઝડપાતા જથ્થો કબ્જે કરાયો access_time 12:45 pm IST

  • આજે એક પછી એક મહાનુભાવો કોરોના પોઝિટિવના સાણસામાં સપડાતા જાય છે ,ગૃહમંત્રી અમિતભાઇ શાહનો કોરોના રિપોર્ટ પોઝિટિવ આવ્યો છે,તોઉત્તર પ્રદેશના કેબિનેટ મંત્રી કમલા રાણીનું કોરોનમાં આજે મૃત્યુ નીપજ્યું છે,હવે મળતા અહેવાલ મુજબ તામિલનાડુના ગવર્નર બનવારીલાલ પુરોહિત અને ઉ,પી,ના પ્રદેશ બીજેપી અધ્યક્ષ સ્વતંત્રદેવ સિંહને પણ કોરોના પોઝિટિવ આવ્યો છે access_time 6:20 pm IST