Gujarati News

Gujarati News

News of Friday, 1st June 2018

મોદી સરકાર દ્વારા ક્વીઝ કોમ્‍પીટીશનઃ ૧૦ સાચા જવાબ આપનાર સ્‍પર્ધકને ૩૧૦૦૦ રૂપિયાનું ઇનામ

નવી દિલ્હીઃ મોદી સરકાર સરકાર સાથે લોકોની ભાગીદારી વધારવા માટે નવી નવી સ્પર્ધાઓનું આયોજન કરતી રહે છે. અત્યારે પણ એક ક્વિઝનું આયોજન કરવામાં આવ્યું છે જેમાં માત્ર 10 સવાલોના સાચા જવાબ આપીને ઈનામ જીતી શકાશે.

જો તમે 10 સવાલના સાચા જવાબ આપશો તો તમને 31,000 રુપિયા ઈનામ મળશે. જો તમે પહેલા રનર અપ હશો તો તમને 21,000 રુપિયા આપવામાં આવશે. બીજા રનર-અપને 11,000 રુપિયા ઈનામ તરીકે આપવામાં આવશે.

સંતોષકારક જવાબ આપનારા લોકોમાંથી બે લોકોને 5100 રુપિયા ઈનામ તરીકે આપવામાં આવશે. આયુષ મંત્રાલય આ ક્વિઝનું આયોજન કરી રહ્યું છે. જો તમે ભારતના નાગરિક છો અને તમારી ઉંમર 10 વર્ષથી વધારે છે તો તમે આમાં ભાગ લઈ શકો છો. આના માટે તમારે ઓળખ પત્ર રજુ કરવાનું રહેશે.

આ ક્વિઝમાં ભાગ લેવા માટે Mygov.in પર જવાનું રહેશે. તમે લોગ ઈન કરીને આમાં ભાગ લઈ શકશો. એક વ્યક્તિ એક જ વાર ક્વિઝમાં ભાગ લઈ શકશે. જો તમે વારંવાર ક્વિઝ અટેમ્પ્ટ કરવાનો પ્રયત્ન કરશો તો એન્ટ્રી રદ કરી દેવામાં આવશે.

જો તમે જીતશો તો તમને મોબાઈલ, ઈમેઈલ અને તમારા એડ્રેસ પર તેની જાણકારી આપવામાં આવશે. પરંતુ 3 દિવસમાં તમારી સાથે સંપર્ક નહીં થઈ શકે તો તમારું ઈનામ અન્ય કોઈ વિજેતાને આપવામાં આવશે. આ રકમ RTGSના માધ્યમથી ટ્રાન્સફર કરવામાં આવશે. આ ક્વિઝ 21 મેથી 21 જૂન સુધી ચાલશે. MyGov.in પર તમારે અકાઉન્ટ બનાવવાનું રહેશે. સવાલનો જવાબ તમારે 60 સેકન્ડમાં જ આપવાનો રહેશે.

(6:17 pm IST)
  • પુણેમાં શરદ પવાર અને નીતિન ગડકરીની ગુપ્ત મીટિંગથી રાજકારણમાં ગરમાવો :પુણેની ફાઈવ સ્ટાર હોટલમાં કેન્દ્રીય મંત્રી ગડકરીએ પત્રકારોને સંબોધિત કરી સરકારની ચાર વર્ષની સિદ્ધિઓ વર્ણવ્યા બાદ બંને દિગ્ગ્જ નેતાઓની હોટલમાં મુલાકાત થઇ :બંનેની પાર્ટીના કોઈપણ નેતાને આ વાતની જાણકારી નથી access_time 1:25 am IST

  • ખેડૂત આંદોલન : પંજાબમાં રસ્‍તા પર ફેંકાયા શાકભાજી : મંદસૌરમાં દૂધ-શાકભાજી સપ્‍લાય ઉપર પ્રતિબંધ access_time 12:35 pm IST

  • વિશ્વમાં શાંતિ જાળવી રાખવા ભારતીય સૈનિકોએ સૌથી વધુ બલિદાન આપ્યું :યુનાઇટેડ નેશનના મહાસચિવ એન્ટોનિયા ગુટેરેસે 70માં સ્થાપના દિવસે કહ્યું કે શહીદી વહોરવામાં સૌથી વધુ જવાનો ભારતના છે.: છેલ્લાં 70 વર્ષમાં વિશ્વમાં થયેલા પીસકિપિંગ મિશનમાં ડ્યૂટી દરમિયાન સૌથી વધારે શાંતિદૂત ભારતના જ શહીદ થયા છે. 163 ભારતીયોએ માત્ર માનવતાને ખાતર બલિદાન આપ્યું access_time 1:26 am IST