Gujarati News

Gujarati News

News of Friday, 29th June 2018

૧૫ વર્ષની છોકરીએ વરસાદના પાણીમાંથી વીજળી બનાવી

તેણે એવું ડિવાઈસ તૈયાર કર્યુ છે જે વહેતા પાણીને વીજળીમાં ફેરવી દે છે

લંડન, તા. ૨૯ :. અઝરબૈજાનની રાજધાની બાકુમાં નવમા ધોરણમાં ભણતી રેહાન જમાલોવા નામની ટીનેજરે અનોખું કારનામુ કરી બતાવ્‍યું છે. તેણે બહેનપણીઓની મદદથી વરસાદના પાણીમાંથી વીજળી બનાવવામાં સફળતા હાંસલ કરી છે. તેણે એવું ડિવાઈસ તૈયાર કર્યુ છે જે વહેતા પાણીને વીજળીમાં ફેરવી દે છે. તેની આ ઉપલબ્‍ધિ માટે અમેરિકન પ્રેસિડન્‍ટ ડોનલ્‍ડ ટ્રમ્‍પની દીકરી ઈવાન્‍કા પણ આ છોકરીને સન્‍માનિત કરી ચૂકી છે. રેહાનનું કહેવું છે કે તેણે બનાવેલું મોડલ નાનુ છે, પરંતુ અને મોટું મોડલ તૈયાર કરી શકાય એમ છે. તેણે શરૂઆતમાં બાલદીમાંથી રેડાતા પાણીથી પ્રયોગ કર્યો હતો. તેનું કહેવું છે કે આ ડિવાઈસ એવા દેશોમાં બહુ કામ આવી શકે છે જ્‍યાં ખૂબ વરસાદ પડતો હોય અને વીજળીની કમી હોય. જે દેશોમાં જળાશયો અને ડેમની સંખ્‍યા ઓછી છે ત્‍યાં વરસાદનું પાણી વહીને વ્‍યર્થ જતું રહે છે એ દેશો પણ આ મોડલ વાપરીને વીજળી તૈયાર કરી શકે છે

(9:56 am IST)
  • રાજકોટમાં ધોધમાર વરસાદથી અન્ડરબ્રીજમાં પાણી ભરાયા :કાલાવડ રોડ તરફ જવામાં ભારે હાલાકી :અમીનમાર્ગ અને આમ્રપાલી વિસ્તારમાં જબરો ટ્રાફિક જામ :કલાકો સુધી વાહનો ફસાયા :કાલાવડ રોડના અન્ડરબ્રીજમાં પાણી ભરાતા અમીનમાર્ગ અને આમ્રપાલી તરફ વાહનોની લાંબી લાઈનો લાગી :શહેરમાં ઠેર ઠેર પાણી ભરાયા access_time 7:09 pm IST

  • પહેલી જાન્યુઆરીથી જીએસટીનું નવું રિટર્ન ફોર્મ આવશે :સોફ્ટવેરની સફળતા પૂર્વક બીટા ટેસ્ટિંગ પછી સરકાર નવું રિટર્ન ફોર્મ લાવશે એવું ફાઈનાન્સ સેક્રેટરી હસમુખ અઢિયાએ જણાવ્યુ હતું.: જીએસટીના અંતર્ગત ખોટા ઈનપુટ ક્રેડિટના દાવાઓને કારણે મોટા ભાગે કરચોરી access_time 1:12 am IST

  • શનિવારે સતત બીજાદિવસે પેટ્રોલ-ડીઝલના ભાવમાં કોઈ ઘટાડો થશે નહિ :શુક્રવાર અને ગુરુવારે પણ પેટ્રોલ-ડીઝલના ભાવ યથાવત રખાયા હતા : બુધવારે પેટ્રોલના ભાવમાં લીટરે 5 પૈસા અને ડીઝલના ભાવમાં 11 પૈસાનો ઘટાડો થયો હતો :મંગળવારે ડીઝલના ભાવ યથાવત રાખ્યા હતા જયારે પેટ્રોલમાં લિટરે નવ પૈસા ઘટ્યા હતા access_time 1:13 am IST