Gujarati News

શનિવારે સવારે ચર્ચામાં લગ્ન કરીને ત્રિસ્ટાન બર્ન્સ અને લ્યુક કાશેન્ગન નામનું યુગલ સાઉથ આફ્રિકાના નેચર રિઝવમાં આફટર-વેડિંગ ફોટોગ્રાફી માટે પહોંચ્યું. જંગલની સાંકડી કેડીઓમાં તેઓ તસ્વીરો પડાવી રહ્યા હતા એવામાં એક જિરાફ ધીમે-ધીમે ચાલીને ત્યાં પહોંચી ગયું. આ નેચર પાર્કના અધિકારીઓ આ જિરાફને જાણતા હોવાથી તેમણે યુગલને શાંતિ રાખવા જણાવ્યું. એબી નામનું આ જિરાફ બહુ પ્રેમાળ છે અને લોકો સાથે મળતાવડું પણ. જિરાફભાઇ લગભગ વીસેક મિનિટ આ યુગલ અને તેમની સાથે આવેલા મહેમાનો સાથે રહ્યા અને પછી ત્યાંથી આગળ ચાલી ગયા. જોકે આ દરમ્યાન ફોટોગ્રાફરે જિરાફ સાથે યુગલની યાદગાર તસવીરો ખેંચી લીધી.