Gujarati News

રાજધાની કાઠમંડુમાં નવી ખૂલેલી રેસ્ટોરાંએ સ્થાનિક લોકોમાં જબરૃં આકર્ષણ જમાવ્યું છે. નાઉલો નામની આ રેસ્ટોરાંમાં પાંચ રોબો વેઇટર્સ તહેનાત કરવામાં આવ્યા છે. આ રેસ્ટોરાંની ટેગલાઇન છે-વેર ફૂડ મીટ્સ ટેકનોલોજી. નાઉલોનો મતલબ થાય નવુંનવેલું. નેપાલમાં જ નહી, સાઉથ એશિયામાં પહેલવહેલી વાર આવી ડિજિલાઇઝ્ટ રેસ્ટોરાં બની હોવાથી ખાસ આ નામ પસંદ કરવામાં આવ્યું છે. રેસ્ટોરામાં ત્રણ રોબોનું નામ જિન્જર છે અને બેનું નામ ફેરી છે. નેપાલી કંપનીએ જ આ રોબો તૈયાર કર્યા છે. આ રેસ્ટોરાંમાં તમે પ્રવેશો એટલે કોઇ માણસ તમને સર્વ કરવા કે ગ્રીટ કરવા નહીં આવે. તમારા ટેબલ પર જ એક ડિજિટલ સ્ક્રીન લગાવેલી છે જેમાં મેનુ ફીડ કરેલું છે. જેમ તમે મોબાઇલથી ઓનલાઇન ઓર્ડર પ્લેસ કરતા હો એમ આ સ્ક્રીન પર તમારો ઓર્ડર આપી દેવાનો. જેવું તમારૃં ભોજન તૈયાર થાય એટલે રોબો રેસ્ટોરાંના કિચનમાંથીએ કલેકટ કરીને તમારા ટેબલ પર લાવીને સર્વ કરશે. જિન્જર નામનો રોબો જરા એકસ્ટ્રા સ્માર્ટ છે. એ તમારા બેસિક સવાલોના જવાબ પણ આપી શકે છે. જોકે એને ઇંગ્લિશ અને નેપાલી ભાષા જ આવડે છે.