Gujarati News

Gujarati News

News of Friday, 26th February 2021

ફેસબુકે ઑસ્ટ્રેલિયામાં ન્યુઝ કન્ટેન્ટ બંધ કર્યું હોવાની માહિતી

નવી દિલ્હી; ઓસ્ટ્રેલિયાની સરકારે ગુરુવારે ગૂગલ અને ફેસબુક જેવી વૈશ્વિક ડિજિટલ મીડિયા કંપનીઓને સ્થાનિક સમાચાર કન્ટેન્ટ બદલ ચુકવણી કરવી પડે તે મુજબની જોગવાઇ ધરાવતો કાયદો સંસદમાં પસાર કરી દીધો છે. સમગ્ર વિશ્વ ઘટનાક્રમ પર નજર રાખી રહ્યો છે. ઓસ્ટ્રેલિયાની સરકારે પસાર કરેલા નવા મીડિયા કાયદાની જોગવાઇ મુજબ સ્થાનિક સમાચાર કન્ટેન્ટ માટે મીડિયા કંપનીઓ માટે ફરજિયાતપણે નાણાકીય ચુકવણી કરવાની રહેશે. કન્ટેન્ટ પર નાણાકીય ચુકવણીને મુદ્દે સરકાર સાથે વિવાદ સર્જાતાં ફેસબુકે ઓસ્ટ્રેલિયામાં ન્યૂઝ કન્ટેન્ટ બ્લોક કરી દીધું હતું. જોકે અઠવાડિયા પછી ફેસબુકે પ્રતિબંધ ઉઠાવી લીધો હતો. ઓસ્ટ્રેલિયાના વડા પ્રધાન સ્કોટ મોરિસને ન્યૂઝ કન્ટેન્ટ બ્લોક કરવાના પગલાંને નિરાશાજનક અને અહંકારી પગલું ગણાવ્યું હતું. મળતા અહેવાલ મુજબ નવા કાયદાને ન્યૂઝ મીડિયા એન્ડ ડિજિટલ પરફોર્મન્સ મેન્ડેટરી બાર્ગેનિંગ કોડ નામ આપવામાં આવ્યું છે. કાયદા હેઠળ ફેસબુક અને ગૂગલ હવે ન્યૂઝ પબ્લિકેશનને નાણાની ચુકવણી કરશે. કાયદો અમલી બન્યાના એક વર્ષની અંદર સરકાર તેની સમીક્ષા કરશે. નવા કાયદા સાથે ઓસ્ટ્રેલિયા પહેલો દેશ બની રહ્યો છે કે જ્યાં ફેસબુક અને ગૂગલને સ્થાનિક મીડિયા કંપનીઓ સાથેની વાતચીત નિષ્ફળ રહેતાં સરકારે નક્કી કરેલા દરે નાણાની ચુકવણી કરવી પડશે.

(5:12 pm IST)
  • રસીકરણ : બિમારીવાળા દર્દીઓને પણ રસી અપાશેઃ જયંતિ રવિ : સિનિયર સિટીઝન અને સામાન્ય નાગરિકો માટે ૧લી માર્ચથી : ગુજરાતમાં સિનિયર સિટીઝન અને સામાન્ય નાગરિકોને રસીકરણ ૧લી માર્ચથી શરૂ કરાશે, પ્રથમ ૬૦ વર્ષથી ઉપરથી વ્યકિતઓને રસી અપાશે, એટલું જ નહીં ૪૫ વર્ષથી વધુ વયની વ્યકિતઓ કે જેમને કેન્સર, હાઈપરટેન્શન, કિડની, ડાયાબિટીસ જેવા ગંભીર રોગ હશે તેમને પણ રસી અપાશેઃ એક મોબાઈલ નંબર પરથી ચાર વ્યકિત રજીસ્ટ્રેશન કરાવી શકશે, જેમાં ડોકયુમેન્ટ્સ જોડવાના રહેશે, ઓનસાઈટ રજીસ્ટ્રેશન પર શરૂ કરાશે access_time 3:54 pm IST

  • હવે શિવરાજસિંહ ચૌહાણે પણ આપી ચેતવણી : કહ્યું કોરોના સંકટ ટળ્યું નથી : સુરક્ષાના ઉપાયો અપનાવો નહીંતર લોકોડાઉન જેવા પગલાં લેવા પડશે :મધ્યપ્રદેશના મુખ્યમંત્રીએ કોરોના સંક્રમણ ફેલાતું અટકવવા લોકોને સહયોગ આપવા અને સાવધાની રાખવા અપીલ કરી access_time 1:10 am IST

  • ભારતીય ટીમના બોલર યુસુફ પઠાણે ક્રિકેટના તમામ ફોર્મેટમાંથી લીધી નિવૃતિ : આજે યુસુફે ઍકાઍક જાહેરાત કરતાં જણાવેલ કે તેઓઍ ક્રિકેટના તમામ ફોર્મેટમાંથી નિવૃતિ લઈ લીધી છે : યુસુફ પઠાણે તેમની કારકિર્દીમાં ૫૭ વન ડે અને ૨૨ આંતરરાષ્ટ્રીય ક્રિકેટ મેચ રમી છે : તેઓની કારકિર્દીમાં અનેક સિમાચિન્હરૂપ ઈનિંગ્સનો સમાવેશ થાય છે : યુસુફઍ ઍક ફાંકડા ફટકાબાજ તરીકે પણ લોકચાહના મેળવેલ access_time 5:23 pm IST