Gujarati News

Gujarati News

News of Friday, 22nd November 2019

આ બિલાડીની મૂછો છે અદ્દલ ચાર્લી ચેપ્લિન જેવી

લંડન,તા.૨૨:ચહેરા પરના વાળ સાથે ચાર્લી ચેપ્લિન જેવી મૂછો ધરાવતી બિલાડીએ આજકાલ ઇન્ટરનેટ પર ધૂમ મચાવી છે. અલાબામાના સેક્રેટરી સ્ટેસી મ્યુઝિકે તેના પાડોશીના બગીચામાંથી મળેલી બિલાડી પ્રખ્યાત કોમેડિયન એકટર ચાર્લી ચેપ્લિન જેવી મૂછ ધરાવતી હોવાથી એનું નામ ચાર્લી પાડવાનું ઠરાવ્યું. કેટ જેમ-જેમ મોટી થતી ગઈ એમ એની મૂછોનો પણ વિકાસ થયો. ચાર્લીના અનેક ચાહકો તેને ફ્રેડી મકર્યુરી સાથે સરખાવવા માંડ્યા.

લોકોની ચાહના જોઈને મ્યુઝિકે તેનું ફેસબુક-અકાઉન્ટ ખોલ્યું. તેના ફોટોને પાંચ હજાર કરતાં વધુ લાઇકસ મળે છે. ચાર્લીના તેના જીવનમાં પ્રવેશ વિશે મ્યુઝિક જણાવે છે કે ' એ જયારે ત્રણ કે ચાર મહિનાની હતી ત્યારે એની મૂછો જોઈને મને પ્રખ્યાત કોમેડિયન એકટર ચાર્લી ચેપ્લિનની યાદ આવી અને મેં એનું નામ ચાર્લી રાખ્યું. વર્ષો વીતતાં ગયાં એમ તેનું નામ તેને વધુ સૂટ થતું ગયું.' ચાર્લી તેના પરિવારને ખૂબ ચાહે છે. જો કોઈ તેમની સામે ગુસ્સો કરે તો તરત જ તે સામી થાય છે. જોકે રાતે ચાર્લી બધું છોડીને મારી બાજુમાં આવીને સૂઈ જાય છે.

(3:34 pm IST)
  • મહારાષ્ટ્રમાં મહામંત્રણા અંતિમ તબક્કામાં : મહારાષ્ટ્રમાં સરકાર રચવા અત્યારે સાંજે ૫ વાગ્યે શિવસેના, એનસીપી અને કોંગ્રેસની મહત્વની અંતિમ બેઠક ચાલી રહી છે : સાંજે મોડેથી સરકાર રચવા દાવો કરવામાં આવશે તેમ જાણવા મળે છે access_time 5:23 pm IST

  • રાત્રે છત્તીસગઢમાં ભયંકર અકસ્માત : ચાર મહિલા સહીત આઠ લોકોના મોત : છત્તીસગઢના બેમેતરા જિલ્લાના મોહભટ્ટા પાસે કાર તળાવમાં ખાબકી : એક જ પરિવારના આઠ લોકોના કરૂણમોત : મોહતારાથી બેમેતરા જતી આઈ-20 કારના ચાલકે કાબુ ગુમાવતા ઊંડા તળાવમાં ખાબકી: ડૂબી જવાથી આઠ લોકોના મોત access_time 1:07 am IST

  • સિયાચીનને પર્યટકો માટે ખોલવાના ભારતના નિર્ણંયથી પાકિસ્તાન ફફડ્યું : પાકિસ્તાને ફરીવાર કાશ્મીર રાગ આલાપ્યો : આર્ટિકલ 370 હટાવ્યા બાદથી નિવેદનબાજી કરતા પાકિસ્તાને ફરીવાર ભારત સામે ઝેર ઓક્યું : વિશ્વના સૌથી ઉંચા યુદ્ધ ક્ષેત્ર મનાતા સિયાચીનને પર્યટકો માટે ખુલ્લું મુકાવા માટે પાકિસ્તાને વાંધો ઉઠાવ્યો :પાકિસ્તાનના વિદેશ મંત્રાલયના પ્રવક્તા ડો,મોહમ્મ્દ ફૈઝલે કહ્યું કે સિયાચીન વિવાદી ક્ષેત્ર છે ત્યારે ભારત પર્યટકો માટે કેમ ખોલી શકે ? ફોટો siyachin access_time 1:05 am IST