Gujarati News

Gujarati News

News of Saturday, 22nd September 2018

ઋતુ બદલાય ત્યારે બિમાર પડો છો? જાણો નિષ્ણાંતોનો મત

જેવો ઉનાળો પુરો થાય અને વરસાદ આવે એટલે વાતાવરણમાં ઠંડક પ્રસરી જાય છે. વળી, બફારા અને ભેજવાળા આ મિશ્ર વાતાવરણના કારણે તબિયત લથડે છે. અચાનક વાતાવરણ બદલવાથી તમને શરદી થાય છે તો આવું થતું હોય એવા તમે એકલા નથી. મોટા ભાગના લોકોને આ સમસ્યા થતી હોય છે. નિષ્ણાંતોના મતે આવી મોસમી બીમારીના કેટલાક કારણો હોય છે.

અમેરીકન કોલેજ ઓફ એલર્જી, અસ્થમા એન્ડ ઈમ્યુનોલલોજીના પ્રમુખ ડો. બ્રેડલી ચીપ્સનું કહેવુ છે કે વસંત ઋતુ અને ચોમાસા એમ બંને ઋતુમાં મોસમી  એલર્જી શારીરિક નબળાઇ પર હાવી થતી હોવાથી ચેપ લાગે છે. મોસમી એલર્જી ને  કારણે નાકમાં બળતરા કે સોજો આવે ત્યારે નાકમાં વાઇરસની અસર થવાનું સહેલુ બને છે.  ઉપરાંત તમારી રોગપ્રતિકારક શકિત તમારી એલર્જી સાથે લડી રહી હોય ત્યારે માંદગી સામે લડવામાં તે નબળી પડે છે. ઙ્ગ

ડો.ચીપ્સ ઉમેરતા જણાવે છે કે તમને એલર્જી ન હોય તો પણ મોસમના ફેરફારો જેવા કે હવાનું દબાણ, ઉષ્ણામાન   અને પવનના લીધે પણ તમારા શ્વસન અંગો અને નાક પર અસર થાય છે અને તમારી  રોગપ્રતિકારક શકિત શરદી અને ચેપ પર બહુ અસર નથી કરી શકતી.

ઇમ્યુનોલોજીના પ્રોફેસર અકીકો ઇવાસાકી કહે છે કે તમારા નાકની આજુબાજુનો વિસ્તાર હુંફાળો રાખવાથી તમારી રોગપ્રતિકારક શકિત વધે છે. એટલે ચહેરાની આજુબાજુ મફલર કે સ્કાફ વીંટાળી  રાખવાથી ઘણો બધો ફેર પડે છે. તમારી આંખ, કાન કે મોઢાને અડતા પહેલા તમારા હાથ અવાર-નવાર ધોવા તે સારામાં સારો ઉપાયછે. રેગ્યુલર કસરત અને સ્ટ્રેસ ઘટાડનાર મેડીટેશન પણ તમારા પર શરદીનું જોખમ ઓછુ કરે છે.

(9:34 am IST)
  • બોરસદ પેથકમાં રેપ વીથ મર્ડરઃ બોરસદ તાલુકાના અલારસા ગામની ચિભડીયાપુર સીમમાં યુવતીની હત્યા કરાયેલ મળી લાશઃ યુવતીની લાશ નગ્ન હાલતમાં મળતા રેપ વિથ મર્ડરની આશંકાઃ હાલ બોરસદ પોલીસે યુવતીની લાશને પેનલ ડોકટરથી પીએમ માટે કરમસદ હોસ્પિટલ ખસેડીઃ અજાણ્યા હત્યારાને શોધવા ચક્રોગતિમાન કર્યા access_time 11:44 am IST

  • સુરેન્દ્રનગર નર્મદા વિભાગે આપેલી સિંચાઈ માટેની પાણીની ભૂગર્ભ લાઈનો તૂટી:ખેડૂતોનાં ખેતરો પાણી ભરાયા: નર્મદા સિંચાઈનું પાણી ખેડૂતોનાં ખેતર જતા પાકને નુકશાન:લખતર તાલુકાનાં ભાલાળા ગામના ખેડૂતોના ખેતરમાં પાણી ભરાયા:સિંચાઈનું પાણી વેડફાયું ખેડૂતો કરી સિંચાઈ વિભાગના જાણ : તંત્ર નથી ફરક્યું access_time 10:45 pm IST

  • સુરતના કામરેજ તાલુકાના કઠોરમાં જાહેરમાં તલવારો ઉછાળી: મેપલ વિલા પાસે બે પક્ષો જમીનના પ્લોટના વિવાદને કારણે આમને સામને :જાહેર રસ્તા પર એકબીજા સાથે દાદાગીરી : તલવારો ઉછળતા સ્થાનીકોમાં ફફડાટનો માહોલ ફેલાયો access_time 9:16 pm IST