Gujarati News

Gujarati News

News of Monday, 21st September 2020

મીઠાના સેવનમાં જરૂરથી વધારે ઘટાડો કોરોના સંક્રમણનું કારણ બની શકે છે

નવી દિલ્હી: બ્લડપ્રેસરના ડરથી તમે શું ફિકકું (મોળું) ખાવ છો ? તો સાવધાન થઇ જાઓ કારણકે મીઠાના સેવનમાં જરૂરથી વધારે ઘટાડો સંક્રામક (કોરોના) રોગોનું કારણ બની શકે છે. લંડન સ્થિત રોયલ ફ્રી હોસ્પિટલના તાજેતરના અભ્યાસમાં આ ખુલાસો થયો છે.

             સંશોધકોના જણાવ્યા મુજબ જેમ વધારે પડતું મીઠું આરોગ્ય માટે ખરાબ છે તેમ મીઠાની કમી પણ એટલી જ ખરાબ છે. ખરખેર તો લાંબા સમયથી ઓછી માત્રામાં મીઠુ ખાવાથી શરીરમાં 'ઇન્ટરલ્યૂકિન-17' નું ઉત્પાદન ઠપ્પ થઇ જાય છે. ઇન્ટરલ્યુકિન-17 એક પ્રકારની શ્વેત કોશિકા છે કે જે વિષાણુઓને ઓળખી અને તેને નષ્ટ કરવામાં પ્રતિરોધક તંત્રને મદદ કરે છે. તેની કમીના કારણે માણસ સંક્રામક રોગો પ્રત્યે વધુ સંવેદનશીલ થઇ જાય છે. અધ્યયન દળમાં સામેલ જેક વ્હીટલીના જણાવ્યા મુજબ કિડની રોગીઓએ ડોકટરોની સલાહ વિના મીઠાની માત્રા ન ઘટાડવી જોઇએ. ખાસ કરીને 'જિટેલમેન સિન્ડ્રોમ' અને 'બાર્ટર સિન્ડ્રોમ'નો સામનો કરતા દર્દીઓએ મીઠાની માત્રા ન ઘટાડવી જોઇએ. બંને બીમારીમાં કિડનીમાંથી સોડિયમ લેવાની પ્રક્રિયા તેજ બની જાય છે. જેથી દર્દીઓને વારંવાર ફંગલ, મૂત્ર સંક્રમણનો સામનો કરવો પડે છે. સંશોધકોએ ડાયાબિટીસના દર્દીઓને પણ આ મામલે સર્તક રહેવાની સલાહ આપી છે.

(6:41 pm IST)
  • ભારત સાથે એલએસીના વધી રહેલા ઘર્ષણ વચ્ચે, ચીની સૈન્ય PLA દ્વારા એક અહેવાલ મુજબ 3 નવા મોરચા ભારત વિરુધ્ધ ખોલવામાં આવ્યા છે. દક્ષિણ ચીન સમુદ્રમાં કવાયત હાથ ધરવાની સાથે ચીની સૈન્યની પશ્ચિમી થિયેટર કમાન્ડ દ્વારા તાજેતરમાં ઝિંજિયાંગ અને તિબેટમાં પણ સૈન્યબળ વધારવામાં આવી રહયાનું જાણવા મળે છે. access_time 7:28 pm IST

  • રાજકોટ શહેર અને જિલ્લામાં એક તરફ કોરોના સંક્રમણની સ્થિતિ ચિંતાજનક છે. ત્યારે છેલ્લાં 15 દિવસના આંકડાઓએ આરોગ્ય તંત્રને રાહત આપી છે. છેલ્લાં 15 દિવસ દરમિયાન રીકવરી રેટ 53 ટકાથી વધીને 76 ટકા પર પહોંચ્યો છે તેમ શ્રી ગુપ્તાએ જણાવ્યુ હતું. access_time 7:28 pm IST

  • રાહુલ ગાંધી આકરા મીજાજમાં કહે છે કે મોદી સરકારે કૃષિ બીલ પસાર કરાવી ખેડૂતો વિરૂધ્ધ મોતનું ફરમાન કાઢયુ છે. લોકશાહી લજજીત બની છે જે કિસાન ધરતીમાંથી સોનુ ઉગાડે છે, મોદી સરકારનું ઘમંડ તેમની આંખોમાંથી લોહીના આંસુ વહાવે છે. access_time 11:31 am IST