Gujarati News

કેનેડાઃ કેનેડાના ઓન્ટારિઓમાં વિચિત્ર અકસ્‍માત સર્જાતા ૪૯ વર્ષની અેક મહિલાનું મોત થતા અરેરાટી વ્‍યાપી ગઇ છે.

આ મહિલા હાર્લિડેવિડસન બાઈક લઈને ફુલ સ્પીડમાં જઈ રહી હતી, પરંતુ તેની આગળ જતી એક ગાડીએ અચાનક જ લેન બદલતા મહિલાની બાઈક તેની સાથે અથડાઈ હતી. આ ટક્કર એટલી બધી જોરદાર હતી કે, બાઈક પર સવાર મહિલા ફુટબોલની માફક બાઈક પરથી ઉછળી હતી, અને નીચે પટકાઈ હતી.

આ દુર્ઘટનામાં મહિલાનું ઘટનાસ્થળ પર જ મોત થયું હતું. મૃતક મહિલા 49 વર્ષની હતી. જોકે, પોલીસે તેની ઓળખ જાહેર નથી કરી. આ એક્સિડેન્ટ કેનેડાના ઓન્ટારિઓમાં થયો હતો. ગાડીવાળો નિયમો વિરુદ્ધ માત્ર ટુ વ્હીલર માટે રિઝર્વ લેનમાં ઘૂસી જતા આ અકસ્માત થયો હતો.