Gujarati News

Gujarati News

News of Monday, 19th April 2021

ઇઝરાયલના લોકોને મળ્યો માસ્ક પહેરવાથી છુટકારો

નવી દિલ્હી: આખી દુનિયામાં કોરોના વાયરસે હાહાકાર મચાવ્યો છે ત્યારે દુનિયાના કેટલાક દેશો કોરોના સામે ઝડપથી જીત મેળવી રહ્યા છે. ત્યારે ઇઝરાયેલે પણ કોરોના સામે મોટી સફળતા મેળવી છે. ઇઝરાયેલે એક વર્ષ પછી હવે ઘરમાંથી બહાર નીકળવા માટે ફરજિયાત માસ્ક પહેરવાનો નિયમ હટાવી દીધો છે. દેશમાં રસી મેળવવા માટે લાયક 80 ટકા જનતાને કોરોનાની વેક્સીન લગાવી દીધા બાદ ઈઝરાયેલ તરફથી આ જાહેરાત કરવામાં આવી છે. ઇઝરાયેલ તરફથી રવિવારે ફરજિયાત માસ્કના નિયમને રદ કરાયો હતો. આ પગલાને ઇઝરાયેલની કોરોના સામે મોટી જીતના રૂપમાં જોવામાં આવી રહ્યું છે.

ઇઝરાયેલના સ્વાસ્થ્ય મંત્રી યૂલી ઇડેલસ્ટેઇને ગુરુવારે કહ્યુ કે, ઇઝરાયેલમાં વેક્સીન લગાવ્યા બાદ કોરોના વાયરસનું સંક્રમણ ખૂબ ઓછું થઈ ગયું છે. આથી હવે પ્રતિબંધોમાં છૂટ આપવાનું શક્ય બન્યું છે. જોકે, તેમણે એવું પણ કહ્યું કે, હાલ ઑફિસની અંદર માસ્ક પહેરી રાખવું પડશે.

(5:48 pm IST)
  • એર કાર્ગો નવ વર્ષના ગાળા પછી ફોમ રાજકોટ એરપોર્ટ ફરી શરૂ કરશે. પેસેન્જર ટર્મિનલ દ્વારા કાર્ગો કામગીરી શરૂ કરવા રાજકોટ એરપોર્ટને મંજૂરી મળી છે. એર ઇન્ડિયા અને ઈન્ડિગો એરલાઇન્સો એ તરત જ કાર્ગો ઓપરેશન શરૂ કરવાની તૈયારી દર્શાવી છે. access_time 4:50 pm IST

  • ચીનના કબ્‍જાગ્રસ્‍ત હોંગકોંગે ભારતથી આવતી તમામ ફલાઈટો ઉપર પ્રતિબંધ લગાવી દીધો છે : પાકિસ્‍તાન અને ફીલીપાઈન્‍સની ફલાઈટો ઉપર પણ બાન મૂકી દીધો છે access_time 11:49 am IST

  • કોરોનાકાળમાં બ્રિટનના વડાપ્રધાનની ભારત મુલાકાત રદ થવાની અટકળ શરૂ :ભારતમાં મળતા કોરોના વાયરસના નવા સ્ટ્રેઇનના કારણે વિદેશોમાં પણ ગભરાટ:બ્રિટિશ વિપક્ષે પણ બોરિસ જ્હોનસનથી ભારતની મુલાકાત રદ કરવાની માંગ કરી access_time 12:15 am IST