Gujarati News

Gujarati News

News of Monday, 18th January 2021

ઓએમજી.......આ મહિલાએ બર્ગર ખાવા માટે 160 કિલોમીટર દૂરની સફર કરી

નવી દિલ્હી: આજકાલ દરેક જનરેશનના લોકોને બર્ગર વધારે પસંદ હોય છે, પછી તે બાળકો, યુવાન કે વૃદ્ધો હોય, બર્ગર ખાવું બધા ખૂબ જ પસંદ કરે છે. આમ જોવા જઈએ તો બર્ગર આજકાલના ફાસ્ટફૂડમાં સૌથી આગળ આવે છે, પરંતુ શું તમે આ વાત પર ભરોસો કરશો કે કોઈને બર્ગર ખાવાની તલબ લાગી હોય અને તે બર્ગર ખાવા માટે 160 કિલોમીટર પણ જઈ શકે છે એટલું જ નહીં, આટલે બધે દૂર ગયા બાદ તેને બર્ગર માટે ઘણી મોટી રકમ ચૂકવવી પડી ગઈ. જી હા એવું જ કંઈક થયું છે, યુનાઈટેડ કિંગડમ (UK)ની એક મહિલા સાથે. તેને બર્ગર ખાવાની તલબ લાગી હતી એટલે તેણે બર્ગર લેવા માટે 160 કિલોમીટરની મુસાફરી કરી નાખી.

        એટલું જ નહીં, ત્યારબાદ મહિલાને 200 યુરોનો દંડ પણ ભરવો પડ્યો હતો. હવે આ ખબર સોશિયલ મીડિયા પર ખૂબ જ ચર્ચાનો વિષય બની છે. ઉલ્લેખનીય છે કે યુનાઈટેડ કિંગડમમાં હાલમાં લોકડાઉન ચાલી રહ્યું છે. આ લોકડાઉન દરમિયાન એક 30 વર્ષીય મહિલાએ મેકડોનાલ્ડનો બર્ગર ખાવા માટે 160 કિલોમીટરની મુસાફરી કરી. આ દરમિયાન તેણે Lincolnshire થી Scarnorough સુધીની મુસાફરી કરી નાખી. લોકડાઉન દરમિયાન બર્ગર ખાવા માટે આટલે દૂર જવાને ગેરજરૂરી માનતા નોર્થ યોર્કશાયર પોલીસે એ મહિલા પર 200 યુરોનો દંડ લગાવી દીધો.

(6:09 pm IST)
  • ગુલામ મુસ્તફા ખાન સાહેબનું નિધન: નરેન્દ્રભાઈએ શોક વ્યક્ત કર્યો મુંબઈઃ ભારતીય શાસ્ત્રીય સંગીતકાર ઉસ્તાદ ગુલામ મુસ્તફા ખાન સાહેબનું નિધન થયું છે. પ્રધાનમંત્રી નરેન્દ્રભાઈ મોદીએ ગુલામ મુસ્તફા ખાન સાહેબના નિધન અંગે શોક વ્યકત કર્યો છે. access_time 8:30 pm IST

  • દેશમાં કોરોના થાક્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસ 2 લાખથી ઓછા : સતત ઘટાડો : રાત્રે 12 વાગ્યા સુધીમાં કોરોનાના નવા 9972 કેસ નોંધાયા :કુલ કેસની સંખ્યા 1,05, ,82,647 થઇ :એક્ટિવ કેસ 1,97,818 થયા: વધુ 17,116 દર્દીઓ સ્વસ્થ થતા કુલ 1,02,27,852 થયા :વધુ 137 લોકોના મોત સાથે કુલ મૃત્યુઆંક 1,52,593 થયા access_time 1:08 am IST

  • ગણતંત્ર દિવસ પર કિશાન માર્ચ અંગે જોડાયેલી અરજી પર સુપ્રિમ કોર્ટમાં સુનાવણી ટળી : હવે ૨૦ જાન્‍યુઆરીએ નિર્ણય લેવાશે : ૨૬ જાન્‍યુઆરી એટલે કે ગણતંત્ર દિવસના દિવસે ખેડૂતો દ્વારા ટ્રેકટર રેલી વિરૂદ્ધ દાખલ કરવામાં આવેલી અરજી પર આજે સુપ્રિમમાં સુનાવણી થવાની હતી : પરંતુ કોર્ટે હાલમાં આ નિર્ણયને ૨૦ જાન્‍યુઆરી સુધી મોકૂફ રાખ્‍યો છે : કોર્ટમાં દિલ્‍હી પોલીસ દ્વારા આ અરજી દાખલ કરવામાં આવી હતી access_time 10:37 am IST