Gujarati News

Gujarati News

News of Tuesday, 17th November 2020

અમેરિકાના ટેનેસી શહેરમાં ૧૮૬૮ માં ૪ પગવાળી બાળાનો જન્મ થયો 'તો : ૬૦ વર્ષ સુધી જીવી હતી.

નવી દિલ્હી: શું ક્યારેય તમે કોઈ એવી વ્યક્તિ વિશે સાંભળ્યું છે કે જેના ચાર પગ હોય? કદાચ ના. પરંતુ દુનિયામાં એક એવી આશ્ચર્યજનક ઘટના ઘટી ચૂકી છે જેણે બધાને આશ્ચર્યચકિત કરી નાખ્યા હતા. અમેરિકાના ટેનેસી શહેરમાં વર્ષ 1868માં એક એવી બાળકીનો જન્મ થયો હતો જેના બે નહીં પરંતુ ચાર પગ હતા. આ બાળકીનું નામ માયર્ટલ કોર્બિન(Myrtle Corbin) હતું. તે પોતાના આ ચાર પગ સાથે 60 વર્ષ સુધી જીવી હતી. આજે પણ તેના ચાર પગની કહાની લોકો માટે કોઈ પહેલીથી કમ નથી. 

ડોક્ટરોએ જણાવ્યું હતું કે માયર્ટલના બે પગ સાજા હતા અને બે પગ નાના અને ખુબ નબળા હતા. તે પોતાના બે મજબૂત પગની મદદથી દૈનિક કાર્યો કરી લેતી હતી. તેને હરવા ફરવામાં જરાય મુશ્કેલી પડતી નહતી. પરંતુ તે જ્યાં પણ જતી હતી ત્યાં લોકો તેને ઘેર વળતા હતા. જેના કારણે તેને ક્યારેક પરેશાનીઓ સહન કરવી પડતી હતી. તેને જો કે તેના આ ચાર પગના કારણે લોકોને ખુબ પ્રેમ પણ મળ્યો હતો. તે સમયે તેને અનેક પ્રકારના એવોર્ડથી સન્માનિત કરાઈ હતી. 

માયર્ટલને આખી દુનિયા ચાર પગવાળી મહિલા તરીકે ઓળખે છે. જ્યારે તે 13 વર્ષની હતી ત્યારે તેની લાઈફ પર આધારિત એક પુસ્તક લખાયું હતું. જેનું નામ હતું 'બાયોગ્રાફી ઓફ માયર્ટલ કોર્બિન' છે. માયર્ટલના જીવન પર આધારિત આ પુસ્તકનું તે વખતે ધૂમ વેચાણ થયું હતું અને તેણે કમાણીના તમામ રેકોર્ડ તોડી નાખ્યા હતા. 

માયર્ટલે 19 વર્ષની ઉંમરે જેમ્સ ક્લિન્ટન બિકનેલ સાથે લગ્ન કર્યા હતા. માયર્ટલને ચાર પુત્રીઓ અને એક પુત્ર હતો. માયર્ટલની એક બહેન પણ હતી. જેની સાથે જેમ્સ ક્લિન્ટન બિકનેલના ભાઈ લોક બિકનેલ ક્લિન્ટને લગ્ન કર્યા હતા. વર્ષ 1928માં 60 વર્ષની ઉંમરે માયર્ટલનું નિધન થયું હતું. 

(3:55 pm IST)
  • અમદાવાદની અસારવા સીવીલમાં તમામ આઈસીયુ બેડ ફુલ : ફરી કોરોના વિસ્ફોટ થતાં અમદાવાદની અસારવા સિવિલ હોસ્પિટલમાં તમામ આઈસીયુ પથારીઓ ફુલ થઈ ગયાનું ઓડીશ્નલ મેડીકલ સુપ્રિટેન્ડેન્ટે જાહેર કર્યુ છે access_time 2:07 pm IST

  • ગઈકાલે ભારે હિમવર્ષાને કારણે કેદારનાથ ખાતે ફસાઈ ગયેલા ઉત્તરપ્રદેશના મુખ્યમંત્રી યોગી આદિત્યનાથ અને ઉત્તરાખંડના મુખ્યમંત્રી ત્રિવેન્દ્ર રાવત આજે બદ્રીનાથ પહોંચ્યા છે : દરમિયાન જમ્મુ કાશ્મીરના રાજૌરી વિસ્તારમાં આવેલ મુગલ રોડની સડક ઉપરથી બરફ હટાવવાનું કામ પૂર જોશથી ચાલી રહ્યુ છે : ગઈકાલે પીરપંજાલના પર્વતો ઉપર પણ ભારે બરફવર્ષા થઈ હતી જેને કારણે જમ્મુ - મુગલ રોડ બંધ કરી દેવો પડ્યો હતો access_time 1:05 pm IST

  • મુંબઈના કુર્લા વેસ્ટમાં આવેલ સર્વોદય હોટલ નજીકના એક ગોદામમાં આગ ફાટી નીકળી છે : ફાયરબ્રિગેડ દોડી ગયેલ : આ ઉપરાંત મુંબઈના સાકીનાકા વિસ્તારમાં આવેલ ૯૦ ફૂટ રોડ ઉપરની ઝૂંપડપટ્ટીમાં ભારે આગ ફાટી નીકળી છે access_time 1:04 pm IST