Gujarati News

Gujarati News

News of Saturday, 9th June 2018

જોર્ડનના શહેરોમાં તોફાનો બાદ રાજા દ્વારા તાબડતોબ વધારો રદ

જોર્ડનના શહેરોમાં બે દિવસના તોફાનો પછી  જોર્ડનના રાજા અબ્દુલ્લાહે શુક્રવારે સરકારને ઇંધણ અને વિજળીમાં કરાએલ ભાવ વધારો રદ કરવાનો આદેશ આપ્યો છે. વિરોધીઓ ''સરકાર હટાવો'' ના નારા પોકારતા હતા અને ''રસ્તા રોકો'' આંદોલન છેડાયું. આર્થિક મુશ્કેલીઓએ હવે જોર્ડનના ઉચ્ચ માધ્યમ વર્ગને ભીંસમાં લીધો છે જેઓ અત્યાર સુધી સરકારને વફાદાર રહયા છે. જોર્ડનનું રાષ્ટ્રીય દેવુ ૩૫ બીલીયન ડોલરે પહોંચ્યું છે. જે તેના કુલ રાષ્ટ્રીય ઉત્પાદનના ૯૦ ટકા જેટલુ છે.

(12:56 pm IST)
  • અમદાવાદમાં કાલથી હળવા વરસાદની આગાહી: અમદાવાદવાસીઓ પણ અસહય બફારા ઉકળાટથી ત્રસ્ત છેઃ ત્યારે તેઓ માટે થોડા રાહતના સમાચાર છેઃ આવતીકાલથી અમદાવાદમાં હળવા વરસાદની હવામાન ખાતાએ આગાહી કરી છે access_time 11:27 am IST

  • વડાપ્રધાન નરેન્દ્ર મોદીએ શનિવારે ચીનના કિંગદાઓ શહેરમાં રાષ્ટ્રપતિ શી જિનપિંગ સાથે મુલાકાત કરી. બંન્ને નેતાઓએ દ્વિપક્ષીય સહયોગના તમામ મુદ્દાઓ પર ચર્ચા કરી. મીટિંગથી પહેલા બંન્ને નેતાઓ ગર્મજોશીથી મળ્યા. પોતાના સંબોધનમાં પીએમ મોદીએ કહ્યું કે, ભારત અને ચીન વચ્ચે મજબૂત અને સ્થિર સંબંધથી વિશ્વને સ્થિરતા અને શાંતિની પ્રેરણા મળી શકે છે. તેમણે વુહાનમાં શીની સાથેની અનૌપચારિક મુલાકાતને પણ યાદ કરી હતી. શી જિનપિંગ સાથેની મુલાકાત બાદ વડાપ્રધાન નરેન્દ્ર મોદીએ ટ્વીટ કરીને ચીનના રાષ્ટ્રપતિ સાથેની તસ્વીર પણ પોતાના ટ્વીટર પર શેર કરી હતી. access_time 7:17 pm IST

  • આજે ફરી તટીય મહારાષ્ટ્ર, ગોવામાં અતિ ભારે વરસાદની સંભાવના : ગઈકાલે મહારાષ્ટ્રમાં ચોમાસાનો પ્રારંભ થયા બાદ આજે રાજ્યના તટીય ભાગો, મુંબઈ અને ગોવામાં અતિ ભારે વરસાદ થવાની સંભાવના છે. તટીય કર્ણાટક, ગોવા અને દક્ષિણ મહારાષ્ટ્રમાં પહેલેથી જ વરસાદની સ્થિતિ સર્જાઈ છે. મુંબઈ અને આસપાસના વિસ્તારોમાં પ્રશાસન કોઈ પણ ઈમરજન્સીની પરિસ્થિતિને પહોંચી વળવા માટે એલર્ટ પર છે. BMC કર્માચારીઓની વીકેન્ડની રજાઓ પણ રદ કરી દેવામાં આવી છે. access_time 11:16 am IST