Gujarati News

Gujarati News

News of Saturday, 9th June 2018

ચીનમાં કાળઝાળ ગરમી : લોકો કારના બોનેટ પર માછલી ફ્રાય કરી ખાય છે

ઇન્ટરનેટ પર ફોટો-વિડીયો વાયરલ

બેઈજિંગ તા. ૯ : ભારતમાં ગરમીથી લોકોનું જીવન મુશ્કેલીભર્યું બન્યું છે. ચોમાસાના આગામનથી કેટલાક રાજયોમાં રાહત થઈ છે પરંતુ કેટલાક રાજયોમાં હજું પણ ગરમી પડે છે. આવી ગરમી ભારતમાં જ નહીં પરંતુ અન્ય દેશોમાં પણ પડી રહી છે જેનાથી ત્યાંના લોકોનું જીવન જીવવું મુશ્કેલ થઈ ગયું છે. જોકે અહીંયા લોકો ગરમીનો ફાયદો પણ ઉઠાવી રહ્યા છે.

સોશિયલ મીડિયામાં કેટલાક ફોટો વાઈરલ થયા છે. આ ફોટોમાં એક મહિલા ભર તડકે કારના બોનેટ પર આરામથી માછલી પકાવી રહી છે. એવો દાવો કરવામાં આવે છે કે આ ફોટોગ્રાફ ચીનના છે અને અહીં પારો ૪૦ ડિગ્રી પહોંચી ગયો છે. ચીનના મીડિયા અનુસાર આ ઘટના ચીનના શનડોંગ પ્રાંતના બિંઝોઉનું છે.

ચીનના પીપલ્સ ડેલી દ્વારા શેર કરેલા ફોટોગ્રાફમાં એક મહિલા કાર સામે ઊભી છે અને તેની કારના બોનેટ પર માછલીઓને ફ્રાઈ કરી રહી છે. થોડા સમય મહિલા એક માછલી ઊંચી કરીને દેખાડે છે કે તે પાકી ગઈ છે. ઈન્ટરનેટ પર વાઈરલ થયેલા આ ફોટો જોઈને સૌંકોઈ ચોંકી ગયા છે.આ પહેલા પણ ભારતનો એક વીડિયો વાઈરલ થયો હતો. જેમાં એક વ્યકતિ તડકામાં ગરમ થયેલી રેતી પર પાપડ સેકતો જોવા મળી રહ્યો હતો.(૨૧.૮)

(11:42 am IST)
  • આજે ફરી તટીય મહારાષ્ટ્ર, ગોવામાં અતિ ભારે વરસાદની સંભાવના : ગઈકાલે મહારાષ્ટ્રમાં ચોમાસાનો પ્રારંભ થયા બાદ આજે રાજ્યના તટીય ભાગો, મુંબઈ અને ગોવામાં અતિ ભારે વરસાદ થવાની સંભાવના છે. તટીય કર્ણાટક, ગોવા અને દક્ષિણ મહારાષ્ટ્રમાં પહેલેથી જ વરસાદની સ્થિતિ સર્જાઈ છે. મુંબઈ અને આસપાસના વિસ્તારોમાં પ્રશાસન કોઈ પણ ઈમરજન્સીની પરિસ્થિતિને પહોંચી વળવા માટે એલર્ટ પર છે. BMC કર્માચારીઓની વીકેન્ડની રજાઓ પણ રદ કરી દેવામાં આવી છે. access_time 11:16 am IST

  • દિલ્હીના મુખ્યમંત્રી અરવિંદ કેજરીવાલે ઉપ-રાજ્યપાલ સાથે મહત્વપૂર્ણ વિષયો પર ચર્ચા માટે સમય માંગ્યો છે. આનાથી પહેલા કેજરીવાલે ટ્વિટર પર આરોપ લગાવ્યો છે કે, કેન્દ્રિય તપાસ બ્યૂરો (સીબીઆઈ) અને એન્ટી કરપ્શન બ્યૂરો (એસીબી)એ દિલ્હી પાણી પુરવઠા બોર્ડની ફાઈલો ઉઠાવવાનું શરૂ કરી દીધું છે. તેમને ટ્વિટર પર કહ્યું, કોઈ એક વિષય પર તપાસ થઈ રહી નથી, કેમ કે હાલમાં મારી પાસે તે મંત્રાલયની જવાબદારી છે તો તેઓ કોશિશ કરી રહ્યાં છે કે, ગમે તે રીતે મને ફસાવી દેવામાં આવે. અરવિંદ કેજરીવાલે સરકાર પર ગુસ્સો વ્યક્ત કરતાં કહ્યું કે, પીએમ, એલજી અને બીજેપી- જો તમારી પાસે કોઈ વિશેષ જાણકારી છે તો જરૂર તપાસ કરો પરંતુ દિલ્હી સરકારના બધા વિભાગોને પેરાલાઈઝ કરીને દિલ્હીના લોકોને પીડા ના આપો. access_time 2:37 am IST

  • મુશર્રફનો પાસપોર્ટ-પાકિસ્તાની ઓળખપત્ર સસ્પેન્ડઃ દુબઇમાં રહેવુ ગેરકાનુની થઇ જશેઃ વિદેશયાત્રા પણ કરી શકશે નહિ access_time 4:18 pm IST