Gujarati News

નવી દિલ્હી: સામાન્ય રીતે વય વધવાની સાથે માણસ કામથી નિવૃત થતો જતો હોય છે, સાહસની તો વાત જ કયાં કરવી. પરંતુ બ્રિટનના 103 વર્ષના બુઝુર્ગે આ વાતને ખોટી સાબીત કરી દીધી છે. સામાન્ય રીતે માણસનું આયુષ્ય 100 વર્ષનું ગણાય પરંતુ બ્રિટનના એક 103 વર્ષીય બુઝુર્ગ અલ બ્લાસ્ચકે નામના આ બુઝુર્ગે 14 હજાર ફીટની ઉંચાઈથી ઉડી રહેલા વિમાનમાંથી સ્કાઈ ડાઈવીંગ કરીને બધાને ચોંકાવી દીધા હતા. આ પરાક્રમ કરીને તેણે ગિનિસ બુકમાં પોતાનું નામ નોંધાવ્યું છે. રસપ્રદ બાબત છે કે ત્રણ વર્ષ બાદ તેણે પોતાનો જ રેકોર્ડ તોડયો છે.

          બીજા વિશ્ર્વ યુદ્ધ દરમિયાન વિમાનના સ્પેર પાર્ટસનું નિર્માણ કરનાર એ સેવા નિવૃત ક્રાફટસમેને 2017માં પોતાના 100માં જન્મદિને 10 હજાર ફિટની ઉંચાઈથી પ્રથમવાર સ્કાઈ ડાઈવીંગ કર્યું હતું. હવે તેમણે પોતાનો જ રેકોર્ડ તોડયો છે. તેમણે જણાવ્યું હતું કે મેં કયારેય નહોતું વિચાર્યું કે હું આવું કરી શકીશ.