Gujarati News

Gujarati News

News of Wednesday, 8th January 2020

અન્ય લોકોની મદદ કરવાથી વય વધે

મૃત્યુના ખતરાને રર ટકા ઘટાડી શકાય છે : ડિપ્રેશનની સપાટીને નોંધપાત્ર રીતે ઘટાડી શકાય છે તથા બીજાની મદદથી સંતોષની લાગણી મળે છે : અભ્યાસ

ન્યૂયોર્ક,તા. ૮: લાંબા આયુષ્ય માટે અન્ય લોકોની મદદ પણ ઉપયોગી સાબિત થાય છે. હાલમાં જ અભ્યાસમાં પણઆ બાબત હવે સાબિત થઈ ચૂકી છે. બીએમસી પબ્લિક હેલ્થમાં પ્રકાશિત અહેવાલમાં આ મુજબની વાત કરવામાં આવી છે. યુનિવર્સિટી ઓફ એક્સેટર મેડીકલ સ્કૂલમાં સંશોધકો દ્વારા કરવામાં આવેલા અભ્યાસમાં દાવો કરવામાં આવ્યો છે કે જેલોકો અન્ય લોકોની મદદ કરે છે તે લોકો વધારે લાંબાસમય સુધી આયુષ્ય ધરાવે છે અને જીવે છે. ૪૦ પ્રકાશિત અભ્યાસોમાંથી ડેટાની ચકાસણી કરવામાં આવ્યા બાદ સંશોધકો આ તારણ ઉપર પહોંચ્યા છે. આમા જણાવવામાં આવ્યું છે કે અન્યો માટે સમય કાઢનાર લોકોમાં મોતનો ખતરો ૨૨ ટકા સુધી ઘટી જાય છે. આ ઉપરાંત ડિપ્રેશનની શક્યતા પણ ખૂબ ઓછી થઈ જાય છે. સાથે સાથે જીવનમાં સંતોષની લાગણી મળે છે તે જે ખૂબ જ ફળદાયી સાબિત થઈ શકે છે. અન્યોની મદદ નહીં કરનાર લોકોની સરખામણીમાં અન્ય માટે સમય કાઢનાર લોકો વધારે સંતોષ ધરાવે છે. નાણાંકીય યોગદાનનું આમા કોઈ મહત્વ રહેલું નથી. અભ્યાસના ભાગરૂપે સામેલ થયેલા લોકોએ ઘણા સમય સુધી લોકોના વલણ ઉપર નજર રાખી હતી. સ્વૈચ્છિક લોકો ઘરેથી બહાર નીકળ્યા હતા અને અન્યોની મદદમાં સક્રિય થયા હતા. આના કારણે તેમની શારિરીક અને માનસિક આરોગ્યની સ્થિતિમાં સુધાર થયો હતો. અન્યોની મદદ નહીં કરનાર લોકોમાં આ પ્રકારના લક્ષણો દેખાયા નથી. આ અભ્યાસના તારણો એવા લોકો માટે રાહત સમાન છે જે જુદી જુદી સંસ્થાઓના ભાગરૂપે સામાન્ય લોકોની સેવામાં લાગેલા છે. બોજ તરીકે અન્યોની મદદને ન ગણવા આમા કહેવામાં આવ્યું છે. બીજાની મદદ કરીને લાંબા આયુષ્યને આમંત્રણ આપી શકાય છે તેવો દાવો અભ્યાસમાં કરાયો છે.

(4:02 pm IST)
  • નાગરિકતા સંશોધન કાયદાના સમર્થનમાં ઉતરી અભિનેત્રી જુહી ચાવલા : બોલીવુડની અનેક હસ્તીઓએ સીએએ અને એનસીઆરનો વિરોધ કર્યો છે : દીપિકા પાદુકોણની જેએનયુની મુલાકાત બાદના વિવાદ વચ્ચે અભિનેત્રી જુહી ચાવલાએ ભાજપ સમર્થિત એક વિરોધ પ્રદર્શનમાં ભાગ લીધો : જુહીએ કહ્યું કે આપણામાંથી એવા કેટલા લોકોક હહે જૉ છેલ્લા પાંચ વર્ષમાં એકદિવસની પણ છૂટી લીધી નથી: એક આપણા વડાપ્રધાન છે છે સતત દેશને આગળ લાવવા પ્રયાસ કરે છે access_time 10:54 pm IST

  • મુંબઈના વિશ્વવિખ્યાત શ્રી સિધ્ધી વિનાયક ગણપતિ મંદિર ટ્રસ્ટએ, પુલવામામાં શહીદ થયેલા ૪૦ જવાનોના પરિવાર માટે રૂ. ૫૧ લાખની રકમ મહારાષ્ટ્રના મુખ્યમંત્રી ઉદ્ધવ ઠાકરે ને એક સમારોહમાં અર્પણ કરી હતી અને એક ઉત્કૃષ્ટ ઉદાહરણ બેસાડ્યું હતું. access_time 10:31 pm IST

  • મુખ્યપ્રધાન વિજય રૂપાણીએ તાકીદની બેઠક બોલાવી છે. આવતીકાલે સીએમ નિવાસ સ્થાને બેઠક મળશે. એસસી, એસટી અને ઓબીસી ઉપરાંત જીએડીના અધિકારીઓ, કાયદાવિદોની બેઠક બોલાવી છે. માલધારીઓ અને એલઆરડીની મહિલાઓનો પ્રશ્ન બાબતે બેઠકમાં ચર્ચા કરવામાં આવશે. access_time 9:27 pm IST