Gujarati News

Gujarati News

News of Friday, 7th December 2018

આને કહેવાય નસીબ... મહિલા ઘરેથી કોબીજ ખરીદવા નીકળી : ૨૫ મિનિટમાં જ બની ગઇ કરોડપતિ

ભગવાન આપવા બેસે છે ત્યારે છાપરૂ ફાડીને વરસાદ કરે છે

ન્યુયોર્ક તા. ૭ : કહે છે કે જયારે પણ ભગવાને આપવા બેસે છે ત્યારે છાપરું ફાડીને વરસાદ કરે છે. આવું જ કઈંક અમેરિકાના મેરિલેન્ડમાં રહેનારી વેનેસા વાર્ડ સાથે થયું. વેનેસા ઘરેથી કોબીજ લેવા માટે માર્કેટ ગઈ હતી. પરંતુ રસ્તામાં તેણે લોટરીની ટિકિટ જોવા મળી અને તેને પોતાનું ભાગ્ય અજમાવવાનું મન થઈ ગયું. આ વિચારીને તેણે એક ટિકિટ લઈ લીધી. ટિકિટ લઈને તે જયારે ઘરે આવી અને ટિકિટ સ્ક્રેચ કરી તો તે સ્તબ્ધ થઈ ગઈ. વેનેસાએ જોયું કે લોટરીની ટિકિટથી તેણે ૨,૨૫,૦૦૦ ડોલર જીત્યા હતાં.

લોટરી જીતતા જ વેનેસાએ વજીર્નિયા લોટરીને જણાવ્યું કે તેણે ૨,૨૫૦૦૦ ડોલરની લોટરી જીતી છે. જેને લઈને તે ખુબ જ ખુશ છે. વેનેસાએ જણાવ્યું કે તેના પિતાએ તેને કોબીજ લેવા માટે બજાર મોકલી હતી. જયાં તેણે સ્પિન સ્ક્રેચ ઓફ ટિકિટ જોઈ અને ભાગ્ય અજમાવવાનું તેને મન થયું. આથી તેણે લોટરીની ટિકિટ લઈ લીધી. લોટરી લઈને જયારે તે ઘરે પહોંચી અને સ્ક્રેચ કર્યું તો તે દંગ રહી ગઈ. ત્યારબાદ તેણે તરત જ વજીર્નિયા લોટરીને ફોન કર્યો અને સૂચના આપી.

વેનેસાએ જણાવ્યું કે લોટરીમાં મળેલી રકમ તે પોતાના રિટાયરમેન્ટ માટે સુરક્ષિત રાખવા માંગે છે. આ ઉપરાંત આ રકમની મદદથી તે ડિઝની વર્લ્ડ પણ ફરવાનું સપનું સાકાર કરવા માંગે છે. અત્રે જણાવવાનું કે વેનેસા ઉપરાંત જુલાઈમાં પણ એક યુવકે લોટરીમાં ખુબ મોટી રકમ જીતી હતી. જો કે આ યુવક કોણ હતો તેની કોઈ જાણકારી મળી નહતી. પરંતુ વેનેસાએ પોતાની લોટરી ટિકિટ અંગે જાહેરાત કરીને જણાવ્યું કે તે ૨,૨૫,૦૦૦ ડોલરની લોટરીની ટિકિટ જીતી છે.(૨૧.૨૬)

(5:50 pm IST)
  • ભારતના ચિફ ઇકોનોમિક એડ્વાઇઝર તરીકે ક્રિષ્નામૂર્થી સુબ્રમનિયમની નિમણુંક : IIT/IIM પૂર્વ ટોપ રેન્કિંગ સ્ટુડન્ટ તથા અમેરિકાના શીકાગોમાંથી Ph.D ડિગ્રી મેળવી હૈદ્રાબાદની બિઝનેસ સ્કૂલમાં એક્ઝિક્યુટિવ ડિરેક્ટર તરીકે સેવાઓ આપતા ક્રિષ્નામૂર્થી 3 વર્ષ માટે દેશના ચીફ ઇકોનોમિક એડવાઈઝર તરીકે સેવાઓ આપશે access_time 5:46 pm IST

  • ૬ રાજયોના પેપર લીક થયાનું ખુલ્યુ : વધુ ૩થી ૪ શંકાસ્પદની અટકાયત : એટીએસની તપાસ : યશપાલ સહિત ૩ આરોપીઓને કોર્ટમાં લઈ જવાયા : પોલીસ ૧૪ દિવસના રિમાન્ડની માંગણી કરશે : મોબાઈલ કોલ ડિટેઈલની પણ તપાસ કરાશે access_time 3:27 pm IST

  • સુરત :મેમો ગેમને લઈ DEO કચેરીનો નિર્દેશ જિલ્લા શિક્ષણાધિકારીએ સ્કૂલને આપ્યા નિર્દેશ :મેમો જેવી ઓનલાઈન ગેમથી વિદ્યાર્થીઓ દૂર રહે :મેમો, બ્લ્યુવહેલ જેવી ગેમો લઈ રહી છે લોકોનો જીવ access_time 3:29 pm IST