Gujarati News

Gujarati News

News of Tuesday, 6th February 2018

જો તમારા પાર્ટનરનું વજન ઉતારવું હોય તો તમારી પોતાની ફિટનેસ પર ધ્યાન આપો

ન્યુયોર્ક તા. ૬ :.. જયારે બેમાંથી કોઇ એક પાર્ટનરનું વજન વધુ હોય ત્યારે વેઇટલોસ માટે સલાહો આપવાને બદલે તમે પોતે તેની સાથે ફિટ થવા માટે લાગી પડશો તો વધુ સારૃં પરિણામ મળશે એવું અમેરિકાના નિષ્ણાતોનું કહેવું છે. ઓબેસિટી નામની જર્નલમાં છપાયેલા અભ્યાસ મુજબ જે લોકોએ પોતાનું વજન ઘટાડીને ફિટ થવા હેલ્ધી જીવનશૈલી કેળવવી શરૂ કરી હોય છે તેમને તો ફાયદો થાય જ છે, પણ સાથે તેમના નજીકમાં રહેતા લોકો અને ખાસ તો પાર્ટનરને એનાથી સૌથી વધુ ફાયદો થાય છે. અમેરિકાની યુનિવર્સિટી ઓફ કનેકિટકટના નિષ્ણાતોએ ૧૩૦ કપલ્સના વેઇટલોસ પ્રોગ્રામને છ મહિના સુધી મોનિટર કર્યો હતો. એમાં નોંધાયું હતું કે યુગલ સાથે હેલ્ધી  જીવનશૈલીને ફોલો કરવાનું શરૂ કરીને વેઇટલોસના સઘન પ્રયત્ન કરે તો એકલપંડે વેઇટલોસનો પ્રયાસ કરવા કરતાં ત્રણ ટકા વધુ વેઇટલોસ થાય છે. અભ્યાસમાં તો એટલે સુધી કહેવાયું છે કે યુગલમાંથી કોઇ એક પાર્ટનર હેલ્ધી જીવન શૈલી જીવવાનું શરૂ કરે તો આપમેળે બીજા પાર્ટનગરને પણ વજન ઉતારવાની પ્રેરણા મળે છે. અને એમાં ઘણે અંશે સફળતા પણ મળે છે.

(11:47 am IST)
  • કાશ્મીરમાં લશ્કરને જબ્બર સફળતાઃ સર્ચ ઓપરેશનમાં જમાત ઉલ મુજાહીદ્દીનનો એક ત્રાસવાદી જીવતો પકડાયો : અનેક સ્ફોટક વિગતો બહાર આવશે : આ ત્રાસવાદી કોઈ મોટી સાજીસ રચી રહ્યાનું બહાર આવ્યુ છે : સંખ્યાબંધ ખતરનાક હથિયારો ઝડપાયા છે access_time 11:37 am IST

  • વલસાડમાં જવેલર્સની દુકાનમાં ધોળે દિવસે લૂંટ : જીલ્લાના સરી ગામે કારમાં આવેલા અજાણ્યા શખ્સોએ હથિયાર સાથે ત્રાટકી દુકાનમાલિક પર હુમલો કર્યો : લૂંટ ચલાવી નાસી છૂટ્યો : પોલીસ કાફલો ઘટનાસ્થળે પહોંચ્યો access_time 6:04 pm IST

  • દિલ્હીમાં કોંગ્રેસના નેતા ઉપર ભડાકા કરી હત્યા : ન્યુ દિલ્હીમાં કારમાં જઈ રહેલા કોંગ્રેસ નેતા ૪૩ વર્ષીય વિનોદ મહેરા ઉપર ગોળીબાર કરી હત્યા કરાઈ : તેમની વેગનઆરની ઠોકર ઈકો કારને લાગતા અંદર બેઠેલા યુવકોએ તેમની કાર રોકી ગોળીબાર કરતા મોત નિપજ્યાનું જાણવા મળે છે. access_time 6:30 pm IST