Gujarati News

Gujarati News

News of Friday, 5th March 2021

રામ રામે તેને કોણ ચાખેઃ ૧૨ માળેથી બાળકી પડી અને નીચે ઉભેલા ડિલેવરી બોયે બચાવી લીધીઃ વિડીયો વાયરલ

બે વર્ષની બાળકી ગેલેરીમાં લટકી રહી હતી અને અચાનક તે નીચે પડે છે

દેશમાં તો રામ રાખે તેને કોણ ચાખે તેવી ઘટનાઓ વિશે સાંભળ્યું છે પરંતુ વિયેતનામમાં પણ આવી જ ઘટના બની છે

વિયેતનામના હનોઈમાં એક ચોંકાવનારો કિસ્સો પ્રકાશમાં આવ્યો છે. અહીં એક ૧૨ વર્ષીય છોકરી ૧૨ મા માળની ગેલેરીમાંથી નીચે પડી હતી. જો કે,કોઈ ડિલિવરી બોયની કોઠાસૂઝને કારણે તેનો જીવ જતા બચી ગયો હતો.

સોશિયલ મીડિયા પર છેલ્લા કેટલાક દિવસથી એક વીડિયો ખૂબ વાયરલ થઈ રહ્યો છે. આ વીડિયોમાં, ૩૧ વર્ષીય ડિલિવરી બોય ન્ગુયેન નાગોસે એક બાળકીને બચાવી રહ્યો છે. આ વીડિયોમાં જોઇ શકાય છે કે બે વર્ષની બાળકી ગેલેરીમાં લટકી રહી છે અને અચાનક તે નીચે પડે છે.

આ ઘટના અંગેની માહિતી આપતાં ન્ગુયેન નાગોસે જણાવ્યું કે જ્યારે તે એક પાર્સલ પહોંચાડવા માટે ગ્રાહકની રાહ જોઇ રહ્યો હતો ત્યારે તેણે જોયું તો એક બાળકીના રડવાનો અવાજ આવી રહ્યો હતો. જે ૧૨મા માળે લટકી રહી હતી.

યુવકે વધુમાં જણાવ્યું કે, અચાનક તે નીચે પડે છે અને તે સમયે આ ડિલેવરી બોય પોતાની આગવી કોઠાસૂઝને કારણે બાળકીને જમીન પર પટકાતા અટકાવી દે છે અને તેને બચાવી લે છે. આ સમગ્ર ઘટનાનો વીડિયો સોશિયલ મીડિયા પર વાયરલ થઇ રહ્યો છે.

(4:41 pm IST)
  • મ્યાંમારમાં ભારે હિંસા : 19 પોલીસકર્મી ભાગીને ભારત પહોંચ્યા : માંગ્યું શરણ : આ તમામ મ્યાનમારની સરહદે આવેલા પૂર્વ-પૂર્વ રાજ્ય મિઝોરમના બે જિલ્લા ચંપાઈ અને શેરચિપ થઈને ભારતમાં પ્રવેશ્યા:બધા લોકો નીચલા ક્રમાંકિત પોલીસ અધિકારીઓ : તેઓ ભારતની સરહદ પર આવ્યા ત્યારે તેમની પાસે કોઈ હથિયાર નહોતા access_time 1:13 am IST

  • ભાજપની કેન્દ્રીય ચૂંટણી સમિતિની બેઠક : કેરળ,પુડુચેરી અને તામિલનાડુની સીટ માટે ચર્ચા થશે :પાર્ટી તબક્કાવાર ઉમેદવારોના નામની કરશે જાહેરાત : પશ્ચિમ બંગાળના ઉમેદવારોની યાદી સોમવાર બાદ જાહેર થવા સંભવ :બંગાળ વિધાનસભાના 60 ઉમેદવારોના નામ ફાઇનલ થઇ ચુક્યાનું મનાય છે access_time 12:31 am IST

  • સ્વાતિ મોહને સ્ટાર ટ્રેકનો પ્રથમ એપિસોડ જોયો અને નાસા તરફનું પ્રયાણ શરૂ થયું :ભારતીય મૂળની અમેરિકન એરોસ્પેસ એન્જિનિયર સ્વાતિ મોહન, કે જેમણે મંગળની ધરતી ઉપર નાસાનું પ્રિઝર્વન્સ રોવર યાનના સફળ ઉતરાણમાં મહત્વનો ભાગ ભજવ્યો હતો, તેણે અમેરિકી પ્રમુખ જો બાયડનને કહ્યું હતું કે પોતે બાળક હતી ત્યારે સ્ટાર ટ્રેકનો પ્રથમ એપિસોડ જોયો હતો, ત્યારથી અમેરિકન સ્પેસ એજન્સી માટેનું તેનું પ્રયાણ શરૂ થઇ ગયેલ... access_time 4:39 pm IST