Gujarati News

Gujarati News

News of Wednesday, 2nd December 2020

કોરોના મહામારી દરમ્યાન પુરુષો કરતા મહિલાઓએ આર્થિક,માનસિક તાણ અનુભવી હોવાનો બ્રિટનના સંશોધકોનું તારણ

નવી દિલ્હી: બ્રિટનના રિસર્ચ ગ્રૂપ ધ વેલ્ધિયર નેટવર્કના તાજેતરના સંશોધન અનુસાર કોરોનાની મહામારી દરમિયાન પુરુષો કરતાં મહિલાઓએ કેરિયર, આર્થિક સ્થિતિ અને માનસિક આરોગ્યના મામલે વધુ સહન કરવાનો વારો આવ્યો છે. જેના કારણે મહિલાઓનું બજેટ ખોરવાઈ ગયું છે અને તેમને નિવૃત્તિ માટેની યોજના બદલવી પડી છે. આ સંશોધનમાં ૨,૨૩૯ વ્યક્તિઓને સવાલો પૂછવામાં આવ્યા હતા. કારકિર્દીના મામલે સ્ત્રી અને પુરુષો વચ્ચેનું અંતર વધ્યું છે. સાથે જ કામના સ્થળે સ્ત્રીઓ ૩૦ વર્ષ પાછળ ધકેલાઈ ગઈ છે. દુનિયાભરમાં મહિલાઓની આર્થિક પ્રગતિની હિમાયત કરતાં ધ વેલ્ધિયર નેટવર્કના અહેવાલમાં જણાવાયું હતું કે, કોરોનાની કટોકટીની અસર અભૂતપૂર્વ છે. મહિલાઓને થયેલા નુકસાનની અસરો વર્ષો સુધી રહી શકે છે. ૩માંથી ૨ મહિલાઓએ આ સંશોધનમાં જણાવ્યું હતું કે, આ મહામારીના કારણે તેઓ ખૂબ જ સમજીવિચારીને રૂપિયા ખર્ચે છે. જેથી વધારેમાં વધારે બચત કરી શકાય. ૧૦માંથી ૬ મહિલાઓએ જણાવ્યું હતું કે, તેમના આર્થિક લક્ષ્યાંકો પર અસર થઈ છે. જેના લીધે સ્વાભાવિક રીતે તેમણે નિવૃત્તિ માટેના તેમના પ્લાન બદલવા ઔપડયા છે.

(5:55 pm IST)
  • રાજકોટમાં ડુપ્લીકેટ નોટ છાપવાના મશીન સાથે સાગર ઝડપાયોઃ રૈયા રોડ પાસે શાંતિનિકેતન પાર્ક સોસાયટીમાં સદગુરૂ કોમ્પલેક્ષમાં બી વિંગમાં અત્યારે સાગર નામનો માણસ ડુપ્લીકેટ નોટ છાપવાના મશીન સાથે પકડાયો છેઃ ઍસ.ઓ.જી પોલીસ સ્થળ પર પહોંચી ગઇ છે access_time 4:57 pm IST

  • અત્યારે મોડી રાત્રે બુરેવી વાવાઝોડું તોફાની પવન સાથે શ્રીલંકાના સાગર કાંઠા ઉપર ત્રાટકી ચૂક્યું છે અને હવે ભારતના તામિલનાડુના દરિયાકાંઠાથી પસાર થશે વિગતોની રાહ જોવાઈ ગઈ છે access_time 12:13 am IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 10-30 વાગ્યા સુધીમાં કોરોનાના નવા 32,407 કેસ નોંધાયા:કુલ કેસની સંખ્યા 94,95,661 થઇ :એક્ટીવ કેસ 4,28,390 થયા : વધુ 38,355 દર્દીઓ સ્વસ્થ થતા કુલ 89,26,950 રિકવર થયા :વધુ 431 લોકોના મોત સાથે કુલ મૃત્યુઆંક 1,38,090 થયો access_time 12:15 am IST