Gujarati News

Gujarati News

સમાચાર ગુજરાતસમાચાર ગુજરાત
News of Saturday, 31st October 2020

ગાંધીનગર નજીક ખોરજ રેલવે ગરનાળાથી રિંગરોડ જવાના માર્ગમાં ઉભરાયેલ ગટરના પાણી ભરાઈ જતા લોકોને અવરજવર કરવામાં હાલાકી

ગાંધીનગર: જિલ્લામાંથી પસાર થતી રેલ્વે લાઇનનોની આસપાસ આવેલાં ઘણાં ગ્રામ્ય વિસ્તારોમાં વસવાટ કરતાં લોકોને અવર જવરમાં સાનુકૂળતા રહે તે માટે ગરનાળા બનાવવામાં આવ્યા છે. તો ઘણી જગ્યાએ અંડરબ્રીજ પણ રેલ્વે લાઇનની નીચે ઉભા કરાયાં છે. ત્યારે આ ગરનાળાઓમાં ચોમાસાની મોસમમાં પાણી ભરાઇ જવાના કારણે વાહનવ્યવહાર પણ અટકી જતો હોય છે અને ગ્રામજનોને હેરાન પરેશાન થવું પડે છે. આમ શહેર નજીક આવેલાં ખોરજ ગામ પાસે આવેલાં રેલ્વે ગરનાળાનો ઉપયોગ કરીને ગ્રામજનો રીંગરોડ તરફ જતાં હોય છે. રોજના અસંખ્ય લોકો આ માર્ગનો ઉપયોગ કરે છે. રીંગ રોડ તરફ જવાના માર્ગ ઉપર  ત્યારે છેલ્લા ઘણા સમયથી ગટર ઉભરાવાના કારણે ગંદા પાણી વહી રહ્યાં છે. પાણીનો યોગ્ય રીતે નિકાલ નહીં થતાં રેલ્વે ગરનાળામાં ભરાઇ જાય છે. જેથી અવર જવર કરતાં વાહનચાલકો તેમજ રાહદારીઓને પણ અનેક મુશ્કેલીઓનો સામનો કરીને જીવના જોખમે પસાર થવાની નોબત આવી છે. હવે જ્યારે ગામને ગાંધીનગર કોર્પોરેશનમાં સમાવેશ કરવામાં આવ્યો છે ત્યારે આ સમસ્યાનું પણ કાયમી ધોરણે નિરાકરણ લાવવામાં આવે તેવી ગ્રામજનોમાં માંગ ઉઠવા પામી છે. રેલ્વે ગરનાળા નીચે ભરાઇ રહેલાં ગટરના ગંદા પાણીના નિકાલ માટેની કોઇ વ્યવસ્થા ન હોવાથી આ પરિસ્થિતિ ઉભી થઇ છે ત્યારે દુર્ગંધ યુક્ત પાણીનો યોગ્ય રીતે નિકાલ થાય તેવી વ્યવસ્થા ઉભી કરવામાં આવે તેવી માંગ ઉઠવા પામી છે. ગંદા પાણી ભરાવાથી કાદવ કીચડ થવાથી વાહનો ફસાઇ જાય છે અને ગ્રામજનોને હેરાન પરેશાન થવું પડે છે.
(4:53 pm IST)
છેલ્લા 8 દિવસમાં સૌથી લોકપ્રિય
સમાચાર ફટાફટ

  • ભારતના પૂર્વ વડાપ્રધાન શ્રીમતી ઇન્દિરા ગાંધીની આજ 31 ઓક્ટોબરના રોજ પુણ્યતિથિ : 1984 ની સાલમાં હત્યા થઇ હતી : વડાપ્રધાન શ્રી નરેન્દ્ર મોદીએ શ્રદ્ધાંજલિ પાઠવી access_time 12:36 pm IST

  • દેશમાં કોરોના કેસનો આંકડો 81 લાખને પાર પહોંચ્યો : જોકે નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,117 કેસ નોંધાયા:કુલ કેસનો આંકડો 81,36,166 થયો :એક્ટીવ કેસ ઘટીને 5,82,160 થયા:વધુ 59,005 દર્દીઓ સ્વસ્થ થતા કુલ 74,30,911 રિકવર થયા :વધુ 550 લોકોના મોત સાથે કુલ મૃત્યુઆંક 1,21,681 થયો access_time 1:04 am IST

  • કોરોનાએ ભયાનક ફુંફાડો માર્યો : બુધવારથી સમગ્ર ઇંગ્લેન્ડમાં લોકડાઉન લાદી દેવાશે તેવા હેવાલોઃ ઇંગ્લેન્ડના પીએમ બોરીસ જોન્સન ગંભીરતા પૂર્વક વિચારે છેઃ ટાઇમ્સ : અત્યારે વિશ્વમાં જર્મની (આવતા અઠવાડીયાથી), ફ્રાન્સ, બેલ્જીયમ, ઝેક, રીપબ્લીક, આયરલેન્ડ, યુ.કે. (ઉત્તરીય આયરલેન્ડ) અને વેલ્સમાં લોકડાઉન પ્રવર્તે છે. access_time 12:40 pm IST

મુખ્ય સમાચાર
સમાચાર રાજકોટ
સૌરાષ્ટ્ર કચ્છ
સમાચાર ગુજરાત
દેશ-વિદેશ
એન. આર. આઈ. સમાચાર
ખેલ-જગત
ફિલ્મ જગત