Gujarati News

Gujarati News

News of Tuesday, 30th June 2020

સુરતના રાંદેર ટાઉનમાં હાજી પેલેસમાં દરોડા પાડી ત્રણ રીક્ષા ડ્રાઈવર સહીત 7 જુગારીઓની 31 હજારના મુદામાલ સાથે ધરપકડ

સુરત: શહેરમાં રાંદેર ટાઉનના હાજી પેલેસમાં દરોડા પાડી પોલીસે ત્રણ રીક્ષા ડ્રાઇવર સહિત 7 જણાને જુગાર રમતા રંગેહાથ ઝડપી પાડી રોકડા રૂા. 31,350 નો મુદ્દામાલ કબ્જે લીધો હતો.

પોલીસે બાતમીના આધારે રાંદેર ટાઉન કબુતર ખાના વિસ્તારના હાજી પેલેસના ફલેટ નં. જી-3 માં દરોડા પાડયા હતા. જયાંથી જુગાર રમતા અબ્દુલ રસીદ શેખ (ઉ.વ. 43 રહે. કુરેશી એપાર્ટમેન્ટ, રાંદેર બસ સ્ટોપ પાસે), જાવીદ અહેમદ પટેલ (ઉ.વ. 40 રહે. રેહાન એપાર્ટમેન્ટ, માડીયાવારી સ્કુલ પાસે, રાંદેર), મોહમદ ઇસ્માઇલ ડોસ મોહમંદ શેખ (ઉ.વ. 52 રહે. દરજી ટેકરા, રાંદેર), મોહમદ સરફરાઝ ઇકબાલ મીસ્ત્રી (ઉ.વ. 40 ખાંગા રોડ, રાંદેર), મોહમંદ સોયેબ અબ્દુલ રઝાક દાલચાલ (ઉ.વ. 54 રહે. નાંણાવટ વાણીયા શેરી, જોગીન્દરનો ટેકરો), મોહમદ ઇસ્માઇલ ભાઇમીયા (ઉ.વ. 54 રહે. ફાતીમા એપાર્ટમેન્ટ, વખારઓલી સ્ટ્રીટ, રાંદેર), અનીશ અસ્લમ શેખ (ઉ.વ. 33 રહે. મુસ્લિમ કુંભારવાડ, અરબગલી, રાંદેર) ને ઝડપી પાડી તેમની પાસેથી અંગ જડતી અને જુગારની રમતના મળી રોકડા રૂા. 31,350ની મત્તા કબ્જે લઇ કાયદેસરની કાર્યવાહી હાથ ધરી હતી. ઝડપાયેલા 7 પૈકી અબ્દુલ, મોહમદ સરફરાઝ અને જાવીદ અહેમદ રીક્ષા ડ્રાઇવર છે. 

(5:34 pm IST)
  • રાજસ્થાનને લાગુ વિસ્તારમાં ચીન દ્વારા યુધ્ધાભ્યાસની તૈયારી ભારત-પાકિસ્તાન સરહદે ચીન એરફોર્સ સક્રિય : રાજસ્થાન સાથેની પાકિસ્તાની સરહદે ચીનની પીપલ્સ લીબરેશન આર્મી એરફોર્સ તેની ગતિવિધી વધારી દીધી છે. ભારત વિરૂધ્ધ સાજીસનો પર્દાફાશઃ પાકિસ્તાન કબ્જાગ્રસ્ત કાશ્મીરમાં ચીની વિમાનો દેખાયા પછી રાજસ્થાન સાથેની પાકિસ્તાની સરહદ ઉપર પણ સક્રિયતા વધી છે. આર્થીક રોકાણની આડમાં ચીન હવે પાકિસ્તાનમાં યુધ્ધાભ્યાસની તૈયારીમાં હોવાનું બહાર આવ્યું છે. access_time 3:51 pm IST

  • ઉદ્ધવ સરકારનો નવો ફતવો : સરકારી ઓફિસોમાં મરાઠી ભાષાનો ઉપયોગ કરો : અમલ નહીં કરનારાનો પગાર નહીં વધે : ભવિષ્યમાં નોકરીમાંથી હાથ ધોવાની પણ નોબત આવશે access_time 8:38 pm IST

  • સુરતના મહિધરપુરા હીરાબજાર ક્લસ્ટર તરીકે જાહેર:પાટીદાર ભવનથી લિંબુશેરી, પીપળા શેરી, નગીનદાસની શેરી, હવાડા શેરી, થોભા શેરી, જદાખાડી રોડ, હાટ ફળિયું, ભોજાભાઈની શેરી અને પાટીદાર ભવન રોડ સુધીના ૧૨૬૨ મકાનોને ક્લસ્ટર તરીકે જાહેર કરવામાં આવ્યા access_time 9:38 pm IST