Gujarati News

Gujarati News

News of Tuesday, 29th September 2020

સંભવિત ઉમેદવારો અંગે કોંગીમાં બેઠકનો ધમધમાટ

કેન્દ્રિય નિરીક્ષકની હાજરીમાં ચર્ચા થઇ : ત્રીજી નવેમ્બરે યોજાનાર પેટા ચૂંટણી માટે ભાજપ અને કોંગ્રેસમાં ચૂંટણીલક્ષી બેઠકોનો ધમધમાટ શરૂ થઈ ગયો

અમદાવાદ,તા.૨૯ : ગુજરાત વિધાનસભાની ખાલી પડેલી આઠ બેઠકની ૩જી નવેમ્બરે યોજાનારા પેટા ચૂંટણી માટે ભાજપ અને કોંગ્રેસમાં ચૂંટણીલક્ષી બેઠકોનો ધમધમાટ ચાલુ થઈ ગયો છે. જેમાં કોંગ્રેસમાં સંભવિત ઉમેદવારોની ચર્ચા થઈ હતી. રાજ્યસભાની ચૂંટણી દરમિયાન ગઢડા, લીંબડી, ડાંગ, ધારી, કરજણ, મોરબી, અબકાસા અને કપરાડામાં બે તબક્કામાં કોંગ્રેસના ધારાસભ્યોએ રાજીનામા આપતા પેટા ચૂંટણી યોજાઈ રહી છે. કોંગ્રેસમાં આજે દિવસ દરમિયાન સંભવિત ઉમેદવારો અંગે ચર્ચા વિચારણા ચાલી હતી. જેમાં દરેક બેઠકમાં શોર્ટ લીસ્ટ કરી પ્રથમ તબક્કામાં પાંચ નામો પર ચર્ચા થઈ હતી. બેઠકનો દોર હજુ બુધવારે પણ ચાલશે. પ્રદેશ પ્રમુખ અમીત ચાવડા, કેન્દ્રીય નીરીક્ષક રાજીવ સાતવની અને અન્ય સભ્યની હાજરીમાં યોજાયેલી બેઠખમાં ચર્ચા થઈ હતી. જેમાં કરજણ બેઠક માટે પૂર્વ પ્રદેશમાંથી કિરીટ સિંહ જાડેજા, વડોદરા જિલ્લા પંચાયત સમિતિના ચેરમેન નીલાબેન ઉપાઘ્યાય, વડોદરા જિલ્લા મહામંત્રી, ભાસ્કર ભટ્ટ, ધર્મેશ પટેલ અને રીતેશ પટેલના નામ પર ચર્ચા થઈ હતી.

બેઠક પર અક્ષય પટેલે રાજીનામુ આપતા ખઆલી પડી હતી. ગઢડા વિધાનસભા માટે પૂર્વ મંત્રી મોતીભાઈ ચાવડાના દીકરા જગદીશ ચાવડા, જિલ્લા પંચાયત સામાજિક ન્યાય સમિતિના પ્રમુખ ડીજે સોસા, એસપી સેલના પ્રમુખ મોહનભાઈ સોલંકી, પૂર્વ સનદી અધિકારી નટુભાઈ ચાવડાના નામ પર ચર્ચા થઈ હતી. ડાંગ બેઠક માટે આદિવાસી સમાજનો શિક્ષિત ચહેરો સૂર્યકાન્ત ગાવીત, તાલુકા પંચાયત સભ્ય મુકેશ પટેલ, જિલ્લા પંચાયતના સભ્ય ચંદર ગામીત, વધઈ ગ્રામ પંચાયત અને પૂર્વ ધારાસભ્યના ભત્રીજા મોહન અને પૂર્વ ધારાસભ્યના પુત્ર ગમન ગોયાના નામ પર ચર્ચા થઈ હતી. કોંગ્રેસમાં તમામ બેઠકોના ઉમેદવારો પરની ચર્ચા પૂર્ણ થયા બાદ તમામ બેઠકોની પેનલો તૈયાર કરી હાઈ કમાન્ડ મોકલાશે. આવતીકાલે ફરી નીરીક્ષકોની સાથે બેઠક યોજાશે. ઈલેક્શન કમિટીમાં નામો પર ચર્ચા બાદ પેટા ચૂંટણીના ઉમેદવારોના નામની જાહેરાત કરાશે.

(9:35 pm IST)
  • નાગપુર સહિત પૂર્વ વિસ્તારમાં ચોમાસાનો અંતિમ રાઉન્ડ ચાલુ ૧૦ ઓકટોબર પહેલા ચોમાસું પાછું ખેંચાશે નહીં : આ ચોમાસાની સિઝનનો ગાજવીજ સાથે વરસાદનો અંતિમ રાઉન્ડ નાગપુર સહિત પૂર્વ વિદર્ભમાં ચાલી રહ્યો છે. ૩૦ સપ્ટેમ્બરથી અહીં ગરમ અને સૂકું હવામાનની સંભાવના છે. ૧૦ ઓકટોબર પહેલા ચોમાસુ પાછું ખેંચવાની શકયતા નથી. access_time 3:59 pm IST

  • બિહારમાં ગઠબંધનનો દોર શરૂ :પપ્પુ યાદવની જન અધિકારી પાર્ટી, ચંન્દ્રશેખર આઝાદની આઝાદ સમાજ પાર્ટી, બીએમપી અને સોશિયલ ડેમોક્રેટિક પાર્ટી ઓફ ઈન્ડિયાએ સાથે મળીને પીડીએ( પ્રોગ્રેસિવ ડેમોક્રેટિક અલાયંસ) બનાવ્યુ: રાલોસપાના અધ્યક્ષ ઉપેન્દ્ર કુશવાહ સાથે વાતચીત ચાલુ: લોજપા અને કોંગ્રેસને પણ ગઠબંધનમાં સામેલ થવા કહેણ : પપ્પુ યાદવે કહ્યું રાજ્યમાં ચાલી રહેલા 30 વર્ષનું મહાપાપ હવે ખતમ થશે access_time 12:53 am IST

  • આજથી ખુલ્યા ત્રણ મહત્વના IPO: યુટીઆઇ AMC, મઝગાંવ ડોક અને લિખિતા ઇન્ફ્રા : ૧ લી ઓકટોબરે ત્રણેય ઇસ્યુ બંધ થશે access_time 11:21 am IST