Gujarati News

Gujarati News

News of Friday, 29th June 2018

દાંતીવાડા તાલુકા નજીક ભત્રીજાએ કાકાને માથાના ભાગે ધારિયું મારી મોતનેઘાટ ઉતાર્યા

દાંતીવાડા:તાલુકામાં ગુનાઓનું પ્રમાણ દિવસેને દિવસે વધતું જાય છે.  તાલુકામાં ટૂંકાગાળામાં હત્યાનો ચોથો બનાવ સામે આવ્યો છે.  તાલુકાના ભાખર મોટી ગામે ભત્રીજાએ જ કાકાને માથાના ભાગે ધારીયાના ઘા ઝીંકી હત્યા કરવાનો ચોથો બનાવ સામે આવ્યો છે. જેના લીધે હવે જાણે કુખ્યાત ગુનેગારો અને બુટલેગરોના મનમાંથી ખાખીનો ડર ઓસરી રહ્યો હોય તેવું લાગી રહ્યું છે. દાંતીવાડા તાલુકાના ભાખર મોટી ગામે રહેતા મહિપતસિંહ શાંતુસિંહ વાઘેલાએ પોતાના કૌટુબિંક કાકા જેસળસિંહ ઉમેદસિંહ વાઘેલા પાસે રૃપિયાની માંગણી કરતા રૃપિયા આપવાની ના પાડતા આરોપીએ ગત બુધવારની રાત્રીએ કાકા સાથે ઝઘડો કર્યો હતો અને ગાળો બોલતા જે ઝઘડો વકરતા તેની ચરમસીમાએ પહોંચતા મહિપતસિંહ વાઘેલાએ તેના કૌટુંબીક કાકાના માથાના ભાગે પર ધારીયા જેવા તિક્ષ્ણ હથિયાર મારતા ઝઘડાને આખરી અંજામ આપતા પોતાના સગાકાકાનું ઢીમ ઢાળી દેવાનો પ્રયાસ કરી ત્યાંથી ભાગી છૂટયો હતો. જે બાદ કુટુંબના માણસો દોડી આવતા જેસળસિંહ વાઘેલાને ડીસા ખાતે સારવારઅર્થે ખસેડતા ત્યાં તેનું સારવાર દરમિયાન મોત નિપજ્યું હતું.
 

(5:48 pm IST)
  • અમેરિકામાં ભારતીય સોફ્ટવેર એન્જીનીયર પર ઇન્સાઇડર ટ્રેડિંગનો આરોપ :યુનાઇટેડ સ્ટેટ્સ માર્કેટ્સ રેગ્યુલેટરે ભારતીય સોફ્ટવેર એન્જિનિયરિંગ મેનેજર સુધાકર રેડ્ડી બોન્થુ પર ઇનસાઇડર ટ્રેડિંગના આરોપ મૂક્યો :સુધાકર રેડ્ડી બોન્થુ પર વાયદા બજાર અંગે તેના માલિક પાસેથી વિશ્વસનીય માહિતી મેળવીને અયોગ્ય રીતે જંગી ફાયદો મેળવવાનો આરોપ મૂકવામાં આવ્યો છે. access_time 1:16 am IST

  • પહેલી જાન્યુઆરીથી જીએસટીનું નવું રિટર્ન ફોર્મ આવશે :સોફ્ટવેરની સફળતા પૂર્વક બીટા ટેસ્ટિંગ પછી સરકાર નવું રિટર્ન ફોર્મ લાવશે એવું ફાઈનાન્સ સેક્રેટરી હસમુખ અઢિયાએ જણાવ્યુ હતું.: જીએસટીના અંતર્ગત ખોટા ઈનપુટ ક્રેડિટના દાવાઓને કારણે મોટા ભાગે કરચોરી access_time 1:12 am IST

  • ઓમાનના કુરિયાતમાં 24 કલાક સુધી ૪૨.૬ ડિગ્રી સેલ્સિયસ તાપમાન :હવામાન વિજ્ઞાનીઓનું કહેવું છે કે આ સૌથી ગરમ લઘુતમ તાપમાન છે, જે આ પહેલાં ક્યારેય નોંધાયું ન હતું:કુરિયાતના નામે દેશમાં સૌથી ગરમ દિવસનો વિક્રમ નોંધાયેલો છે.: ગયા મે ૨૦૧૭માં કુરિયાતમાં તાપમાન ૫૦.૮ ડિગ્રી સેન્ટિગ્રેડ સુધી પહોંચી ગયું હતું access_time 1:19 am IST