Gujarati News

Gujarati News

News of Wednesday, 28th October 2020

અમદાવાદમાં ગરોળીની જેમ દિવાલ ઉપર ચડીને ચોરી કરતી ‘ચીપકલી ગેંગ' ઝડપાઇઃ પાંચ દુકાનની ચોરીનો ભેદ ખુલ્‍યોઃ 3ની ધરપકડ

અમદાવાદ: શહેરની કાલુપુર પોલીસે એવી ગેંગ પકડી જે ગેંગનું નામ છે ચીપકલી ગેંગ. બિલકુલ ગરોળીની જેમ ગેંગના સભ્યો દીવાલ પર ચઢીને ચોરી કરવા માટે અંદર ઘૂસતા હતા. આંતરરાજ્ય ગેંગના ત્રણ લોકોને પકડી કાલુપુરમાં એક સાથે થયેલી પાંચ દુકાનની ચોરીનો ભેદ ઉકેલાયો છે. નૂર મહોમદ શેખ, સલમાન ખાન શેખ અને મુશરફ ઉર્ફે હાડો શેખ નામના આરોપીઓને પોલીસ દ્વારા ઝડપી લેવામાં આવ્યા છે. તમામ લોકો ઉત્તરપ્રદેશ અને મધ્યપ્રદેશના રહેવાસી છે. આરોપીઓએ તાજેતરમાં કાલુપુર વિસ્તારમાં પાંચેક દુકાનોમાં પાંચેક લાખની ચોરી કરી હતી. ચોરીનો મુદ્દામાલ લઈને ભાગે તે પહેલા આરોપીઓની કાલુપુર પોલીસે ધરપકડ કરી તમામ મુદ્દામાલ રિકવર કર્યો.

આરોપીઓ જેલમાંથી બહાર આવી અન્ય રાજ્યોમાંથી શહેરમાં બસ મારફતે આવતા અને બાદમાં જે તે જગ્યાની રેકી કરતા હતા. ક્યાંથી તેઓ ચઢી શકે અને જે તે મકાન કે દુકાનમાં ઘુસી શકે તેનો પ્લાન બનાવતા. આટલું નહીં પ્લાન મુજબ ચોરી કરવા જતા પહેલા અનેક દિવસો સુધી બિનવારસી જગ્યાએ અવાવરું જગ્યાએ રોકાતા. બાદમાં ચોરી કરવા જાય ત્યારે ચીપકલી એટલે કે ગરોળીની માફક ચોરી કરવા જતા હતા.

આરોપી નૂર મહોમદ શેખ સામે 21 ગુના, સલમાન ખાન શેખ સે 10 અને મુશરફ ઉર્ફે હાડો શેખ સામે બે ગુના નોંધાયેલા છે. અન્ય રાજ્યોની પોલીસ પણ આરોપીઓ શોધી રહી હતી તેવામાં કાલુપુર પોલીસે ઝડપી પાડતા અનેક ગુનાના ભેદ ઉકેલાયા છે. અત્રે ઉલ્લે્ખનીય છે કે, ગેંગને ઝડપવી પોલીસ માટે પણ એક પડકારજનક બાબત હતી. ગેંગને ટ્રેક કરવી ખુબ   મુશ્કેલ હતી કારણ કે તેઓ મોબાઇલ જેવી કોઇ પણ વસ્તું વાપરતા નહોતા જેથી ઓળખાઇ આવે.

(4:40 pm IST)
  • ૩૧મી ઓકટોબરે ગુજરાતમાં ટુરીસ્ટો માટે અનેક સવલતો ખુલ્લી મૂકશે નરેન્દ્રભાઈઃ સ્ટેચ્યુ ઓફ યુનિટી ખાતે ૩૧ ઓકટોબરે નરેન્દ્રભાઈ મોદી ટુરીસ્ટો માટે 'સી પ્લેન' સહિત સંખ્યાબંધ સવલતો ખુલ્લી મૂકશે : સ્પાઈસ જેટે આ માટે ૫૦ વર્ષ જૂનું એર ક્રાફટ ખરીદ્યુ છે : એરલાઈન્સના કહેવા મુજબ આ વિમાન સંપૂર્ણ સલામત જાળવણી કરેલુ અને શ્રેષ્ઠ કન્ડીશનમાં છે access_time 12:41 pm IST

  • કેન્દ્રીય મંત્રી સ્મૃતિ ઈરાની કોરોના સંક્રમિત : બિહાર ચૂંટણી કમપેનમાં શામેલ સ્મૃતિ ઈરાનીએ સંપર્કમાં આવેલા લોકોને ટેસ્ટ કરાવી લેવા ટ્વીટર દ્વારા જાણ કરી access_time 7:03 pm IST

  • જપ્ત કરેલા ટ્રેઈલરોની ચોરી કરી વહેંચી મારવા સબબ 'ઈડી'ના ટોચના અધિકારીઓ સહિત ૫ની ધરપકડઃ સુરતની એક પેઢી પાસેથી દરોડા દરમિયાન કબ્જે કરવામાં આવેલ 'ટ્રેઈલરો'ની ચોરી કરી વહેંચી નાખવાના પ્રયાસો સબબ એન્ફોર્સમેન્ટ ડાયરેકટોરેટ (ઈડી)ના ડેપ્યુટી ડાયરેકટર સહિત ૫ની ધરપકડ કરવામાં આવી છે : તેમાંથી મુંબઈના ઈડીના એક બાતમીદાર સહિત ૩ લોકોનો સમાવેશ થાય છે જેમને સુરતની સેન્ટ્રલ જેલમાં મોકલી દેવામાં આવ્યા છે જયારે 'ઈડી'ના વધુ બે ઓફીસરોની ધરપકડ હજુ બાકી છે access_time 12:40 pm IST