સુરતના વરાછામાં હીરાના કારખાનાનો મેનેજર એક કરોડના હીરાની ચોરી કરીને ફરાર ;સમગ્ર ઘટનાના સીસીટીવીમાં કેદ

News of Saturday, 27th April 2019

સુરતના વરાછામાં હીરાના કારખાનાનો મેનેજર એક કરોડના હીરાની ચોરી કરીને ફરાર ;સમગ્ર ઘટનાના સીસીટીવીમાં કેદ

વરાછા પોલીસનો કાફલો ઘટના સ્થળે દોડી આવ્યો;આરોપીને શોધવા ચક્રો ગતિમાન

સુરતના વરાછા વિસ્તારના એક હીરાના કારખાનામાં કામ કરતો મેનેજર ૧ કરોડના હીરા ચોરી કરી ફરાર થઇ ગયો હતો આ સમગ્ર ઘટના ત્યાં લાગેલા સીસીટીવી કેમેરામાં કેદ થઇ છે બનાવની જાણ થતા વરાછા પોલીસનો કાફલો ઘટના સ્થળે દોડી આવ્યો હતો સમગ્ર મામલે તપાસ હાથ ધરી છે. આ અંગે મળતી વિગત મુજબ વરાછા કમલા એસ્ટેટ કોમ્પલેક્સના બીજા માળે જે મહેશ એન્ડ કુ.ના કારખાનામાં કામ કરતો ચીમનારામ ચતુરરામ થોરી ગત ૨૫ મીના રોજ હીરાના કારખાનામાંથી ૧૬.૧૦ કેરેટ તૈયાર હીરા તથા સેમી પ્રોસેસના રફ હીરા ૭૪૦.૯૮ કેરેટ મળી કુલ ૧ કરોડ ૮૫ હજાર ૭૮૦ના મતાની ચોરી કરી નાસી ગયો હતો. ચોરીની સમગ્ર ઘટના અંગે મહેશભાઈ નાનજીભાઈ લાઠીયાએ ફરિયાદ નોંધવતાં પોલીસે સીસીટીવી મેળવવા સહિત ચોરને ઝડપી પાડવા ચક્રો ગતિમાન કર્યાં છે. વધુમાં આરોપી છેલ્લા ત્રણ વર્ષથી હીરાના કારખાનામાં મેનેજર તરીકે કામ કરતો હતો. હાલ પોલીસે આરોપીને પકડવાના ચક્રોગતિમાન કર્યા છે

(8:39 pm IST)