Gujarati News

શામળાજી પોલીસે આરટીઓ ચેકપોસ્ટ નજીક રાજસ્થાન તરફથી આવતા વાહનોનું ચેકીંગ હાથ ધરાતા વિદેશી દારૂ ઝડપવામાં સફળતા મળી હતી. શામળાજી પોલીસની નાકાબંધી જોઈ વેણપુર ગામ નજીક ટ્રક-કન્ટેનર ચાલક રોડ નજીક મૂકી ફરાર થઈ જતા પોલીસ તંત્રને "બગાસું ખાતા પતાસું" મળ્યું હોય તેમ ટ્રક-કન્ટેનર માંથી ૧૫.૬૬ લાખનો વિદેશી દારૂ મળી આવતા કાયદેસરની કાર્યવાહી હાથધરી હતી.

  આ અંગેની વિગત મુજબ શામળાજી પોલીસે વેણપુર ગામ નજીક અમદાવાદ-ઉદેપુર ને.હા.નં-૮ પર વાહનોનું સઘન ચેકીંગ જોઈ રોડ નજીક ટ્રક-કન્ટેનર ચાલક મૂકી ફરાર થતા પોલીસે બિનવારસી ટ્રક-કન્ટેનર ( ગાડી.નં.HR 55 S 3154 ) માં થર્મોકોલના બોક્સ ભરેલા હટાવતા તેની આડ સંતાડેલો વિદેશી દારૂની પેટી-૪૩૫ બોટલ નંગ-૫૫૨૦ કીં.રૂ.૧૫૬૬૦૦૦ નો જથ્થો જપ્ત કરી ટ્રક-કન્ટેનર ની કીં.રૂ.૧૦૦૦૦૦૦  મળી કુલ રૂ.૨૫૬૬૦૦૦ નો મુદ્દામાલ જપ્ત કરી ટ્રક-કન્ટેનર ચાલક વિરુદ્ધ પ્રોહિબિશન એક્ટ હેઠળ ગુન્હો નોંધી ફરાર ટ્રક ચાલકને ઝડપી પાડવા ચક્રો ગતિમાન કર્યા હતા.