Gujarati News

Gujarati News

News of Saturday, 26th May 2018

ડીસાની જાગૃતિ હોસ્પિટલમાં પ્રસૂતાનું ડિલિવરી સમયે મોત :ડૉક્ટરની બેદરકારી:પરિવારજનોએ હોબાળો મચાવ્યો

તબીબોની બેદરકારીથી મોત થયાનું જણાવી પરિવારજનોએ હંગામો મચાવતા પોલીસે દોડવું પડ્યું

બનાસકાંઠા: જિલ્લાના ડીસાની જાગૃતિ હોસ્પિટલમાં પ્રસૂતાનું ડિલિવરી વેળાએ મોત થતા ડોક્ટરની બેદકારીથી મોત થયાનો આરોપ મૂકીને પરિવારજનોએ હોસ્પિટલમાં જ હંગામો મચાવ્યો હતો.

  ઘટનાની વિગત મુજબ જાગૃતિ હોસ્પિટલમાં સારવાર લઈ રહેલી પ્રસુતાનું ડિલીવરી સમયે મોત થયું હતું. જેને લઈને પરિવારજનોએ આક્ષેપ કર્યો છે કે ડોક્ટરની બેદકરારીના કારણે મહિલાનું મોત થયું છે. જેથી પરિવારજનોમાં ભારે રોષ જોવા મળ્યો હતો. જોત જોતમાં પરિસ્થિતિ બેકાબૂ બની હતી અને પરિવારજનોએ હોસ્પિટલમાં જ હંગામો મચાવ્યો હતો. જો કે સમગ્ર ઘટનાની જાણ પોલીસને થતાં પોલીસનો કાફલો ઘટનાસ્થળ પર દોડી આવ્યો હતો. હાલ તો પોલીસે સમગ્ર મામલે ગુનો નોંધીને આગળની કાર્યવાહી હાથ ધરી છે.

  મૃતક મહિલાનું નામ અનિતા ઠાકોર છે. જે ડીસાના વરણ ગામની રહેવાસી છે. જે પોતાની પ્રેગનેન્સી દરમિયાન જાગૃતિ હોસ્પિટલમાં સારવાર લઈ રહી હતી. ત્યારે તેનું મોત થતાં પરિવારમાં શોકનો માહોલ છવાય ગયો છે.

(2:19 pm IST)
  • નોટબંધીનું પુરજોર સમર્થન કરનારા બિહારનાં મુખ્યમંત્રી નીતીશ કુમારે યૂ ટર્ન લેતા તેનાં પર સવાલો ઉભા કર્યા છે. એક નિવેદનમાં તેમણે કહ્યું કે, નોટબંધીનો લાભ જેટલો મળવો જોઇએ તેટલો નથી મળ્યો. લાભ કેમ નથી મળ્યો તેનું કારણ તેમણે જણાવ્યુ હતું. નોટબંધીની નિષ્ફળતા માટે તેમણે બેંકોને જવાબદાર ઠેરવી હતી. તેમણે કહ્યું કે દેશની પ્રગતીમાં બેંકોની ઘણી મોટી ભુમિકા છે. મુખ્યમંત્રીએ કહ્યું કે, બેંકોને જમા અને પૈસા ઉપાડવા તથા લોન આપવાનું જ કામ નથી કરવાનું, પરંતુ દરેકે દરેક સરકારી યોજનામાં પણ બેંકોની ઘણી મોટી ભુમિકા હોય છે. access_time 1:22 am IST

  • પાટણમાં એમબીબીએસના વિદ્યાર્થીએ આપઘાત કર્યો : ધારાપુર મેડીકલ કોલેજની હોસ્ટેલના ૧૦મા માળે ગળાફાંસો ખાઈ વિદ્યાર્થીએ આપઘાત કરી લેતા અરેરાટી access_time 7:07 pm IST

  • ભાવનગર જિલ્લાના મહુવામાં ૪૪ સીસીટીવી કેમેરા ગોઠવાશેઃ શહેર ઉપર બાજનઝર રખાશેઃ ૫મી જૂને પૂ. મોરારીબાપુના હસ્તે લોકાર્પણ access_time 2:32 pm IST