Gujarati News

Gujarati News

News of Saturday, 26th May 2018

વડોદરાના બાપ-દીકરીની જોડીની અનોખી પહેલ : 10 હજાર દીકરીઓને શૈક્ષણિક સહાય પૂરી પાડશે

કન્યા કેળવણી માટે 1 કરોડનું ડોનેશન એકત્ર કરાશે :22 લાખના ચેક મળી ચુક્યા

વડોદરાઃ વડોદરાના બાપ -દીકરીએ અનોખી પહેલ કરી છે છોકરીઓને ભણાવવા માટે વડોદરાના આ બાપ-દીકરીની જોડીએ આગામી શૈક્ષણિક વર્ષ સુધીમાં 10 હજાર દીકરીઓને ભણાવવાની ફી એકઠી કરવાનો ધ્યેય નક્કી કર્યો છે.અને ડોનેશન લેવાનું શરૂ કરી દેવાયુ છે ગુલાબ રાજપુત અને તેમની દીકરી નિશિતા રાજપુતે ગરીબ છોકરીઓને ભણાવવા માટે ફી પેટે દરેકને 1000 રૂપિયા આપી રહ્યા છે. ગરીબ બાળકીઓના શિક્ષણ માટે તેઓ 1 કરોડનું ડોનેશન ભેગું કરશે.

  ગુલાબભાઈ રાજપૂતે કહ્યું કે ફી પેટે તેઓને અત્યાર સુધીમાં 22 લાખ રૂપિયાના ચેક મળ્યા છે. આગળ કહ્યું કે, “2000 જેટલી છોકરીઓએ અમારો સંપર્ક કર્યો અને શૈક્ષણિક સહાય માટે ફોર્મ ભર્યાં છે.” તેમણે જણાવ્યું કે દેશના વિવિધ રાજ્યોમાંથી ઉપરાંત દુબઈ અને અમેરિકામાં રહેતા એનઆરઆઈ દ્વારા પણ ડોનેશન આપવામા આવી રહ્યું છે. અગાઉ અમને ડોનેશન આપ્યું તેઓએ અમને આ વખતે વધુ ડોનેશન આપવાનું વચન આપ્યું છે.

   બંને બાપ-દીકરી હૂંફ ચેરિટેબલ ટ્રસ્ટના બેનર હેઠળ ડોનેશન એકઠું કરી છોકરીઓના ફી પેટે 1000 રૂપિયા જમા કરાવી રહ્યા છે. 1000થી વધુનું ડોનેશન હોય તો ચેક દ્વારા જ આપવા માટે આગ્રહ કરવામાં આવી રહ્યો છે. બંને બાપ-દીકરી અગાઉ પણ આવી જ રીતે કેટલાંય સમાજસેવાના કામો કરતાં આવ્યાં છે. હવે તેમણે ગરીબ બાળકોને ભણાવવાનું બીડું ઝડપ્યું છે.

   એક વખત ફી જમા થઈ ગયા બાદ ફોટા સાથેની ફાઈલ અને છોકરીને મદદ કરી હોય તે દર્શાવતાં દસ્તાવેજો તૈયાર કરવામાં આવે છે અને જે-તે ડોનરને તે ફાઈલ આપવામાં આવે છે. રાજપુત બાપ દીકરી દ્વારા પરિક્ષામાં સારા માર્ક્સ લાવી હોય તેવી છોકરીઓને કપડાં, સ્ટેશનરી, જૂતાં, પુસ્તકો સહિતની પ્રોત્સાહક વસ્તુઓ આપવામાં આવે છે.

(11:29 am IST)
  • સુરતની લેડી ડૉન અસ્મિતા ગોહિલ ઉર્ફે ભૂરીએ પોતાનો ગુનો કબૂલ્યો છે અને હવે સુધરવાની વાત કરી છે. ભૂરીએ કહ્યું કે મારા પર જે આરોપ લાગ્યા છે તે સાચા છે. વાઈરલ થયેલો વીડિયો પણ મારો છે. ભૂરીએ પોતાની ભૂલ પણ સ્વીકારી અને કહ્યું કે જેલમાંથી બહાર આવીને હું મારી ભૂલ સુધારવા માગું છું. ભૂરીએ કહ્યું કે હવે મને લાગે છે કે મારે સુધરી જવું જોઈએ. ભૂરીએ આ નિવેદન કોર્ટ બહાર આપ્યું હતું. access_time 1:23 am IST

  • સુરતમાં કતલખાને લઈ જવાતા ગાય-વાછરડાને બચાવાયાઃ ગૌરક્ષકો ઉપર હુમલો : માંડવીમાં ગૌરક્ષકોએ એક વાનમાં લઈ જવાતા ગાય વાછરડાઓને છોડાવ્યા : તાપીના વલોડની ગાય વાછરડાને લઈ જવાતા હતા ત્યારે ઝડપી લેતા કસાઈઓએ ગૌરક્ષકો ઉપર હુમલો કર્યો access_time 7:07 pm IST

  • નોટબંધીનું પુરજોર સમર્થન કરનારા બિહારનાં મુખ્યમંત્રી નીતીશ કુમારે યૂ ટર્ન લેતા તેનાં પર સવાલો ઉભા કર્યા છે. એક નિવેદનમાં તેમણે કહ્યું કે, નોટબંધીનો લાભ જેટલો મળવો જોઇએ તેટલો નથી મળ્યો. લાભ કેમ નથી મળ્યો તેનું કારણ તેમણે જણાવ્યુ હતું. નોટબંધીની નિષ્ફળતા માટે તેમણે બેંકોને જવાબદાર ઠેરવી હતી. તેમણે કહ્યું કે દેશની પ્રગતીમાં બેંકોની ઘણી મોટી ભુમિકા છે. મુખ્યમંત્રીએ કહ્યું કે, બેંકોને જમા અને પૈસા ઉપાડવા તથા લોન આપવાનું જ કામ નથી કરવાનું, પરંતુ દરેકે દરેક સરકારી યોજનામાં પણ બેંકોની ઘણી મોટી ભુમિકા હોય છે. access_time 1:22 am IST