Gujarati News

Gujarati News

News of Friday, 26th April 2019

થરાદ-સાંચોર હાઇવે પર બસ-જીપ વચ્ચે ગમખ્વાર અકસ્માત: ત્રણ શખ્સોએ જીવ ગુમાવ્યો

મહેસાણા:થરાદ સાંચોર હાઈવે પર આવેલા પીલુડા માર્કેટયાર્ડ પાસે ગુરુવારની બપોરના સુમારે લક્ઝરી બસ અને જીપ વચ્ચે ગમખ્વાર અકસ્માત સર્જાયો હતો. ધડાકાભેર અકસ્માતમાં જીપનો ભાગ ભાગીને ભુક્કો થઈ ગયો હતો. જેમાં  ત્રણ વ્યક્તિઓના કમકમાટીભર્યા મોત નિપજ્યા હતા. અકસ્માત સર્જી લક્ઝરી બસનો ચાલક ગાડી મુકી ભાગી છુટયો હતો. અકસ્માતના કારણે હાઈવે પર ભારે ટ્રાફિક જામ થયો હતો.

થરાદ, સાંચોર હાઈવે માર્ગ પર દિનપ્રતિદિન અકસ્માતની ઘટનાઓમાં વધારો જોવા મળી રહ્યો છે. જેમાં પાંચ દિવસ અગાઉ થરાદ, સાંચોરના જાણદી નજીક સર્જાયેલા અકસ્માતમાં એક મહિલા અને યુવકનું મોત નિપજ્યું હતું અને બે ઘાયલ થયા હતા. જેમાં આજે ગુરુવારના રોજ થરાદ, સાંચોર હાઈવે પર આવેલા પીલુડા માર્કેટયાર્ડ નજીક બપોરના દોઢ વાગ્યાના સુમારે રાજસ્થાન તરફથી એક લક્ઝરી બસ મુસાફરો ભરી પસાર થઈ રહી હતી ત્યારે સામે આવતી એક જીપ સાથે ધડાકાભેર ટકરાતા ગમખ્વાર અકસ્માત સર્જાયો હતો. જેમાં જીપમાં સવાર ત્રણ વ્યક્તિઓ ગંભીર રીતે ઘાયલ થયા ઘટનાસ્થળે જ કમકમાટીભર્યા મોત નીપજ્યા હતા.

(5:27 pm IST)
  • દુષ્કર્મ કેસમાં આસારામ પુત્ર નારાયણ સાંઈ દોષિત જાહેર : ૩૦મીએ સજાનુ એલાન થશે : સુરતની કોર્ટે સંભળાવ્યો ચુકાદો access_time 1:22 pm IST

  • વાવાઝોડુ 'ફાની' શ્રીલંકા બાદ તામિલનાડુમાં ત્રાટકશેઃ વાવાઝોડુ 'ફાની' શ્રીલંકા તરફ આગળ વધ્યા બાદ ઉત્તર પશ્ચિમ, તામિલનાડુની દિશાએ આગળ વધશે ત્યારબાદ તેનો ટ્રેક ચેન્જ થઈ આંધ્રના દરિયાઈ કાંઠાના વિસ્તારોમાં ત્રાટકશે તેમ હવામાનની એક ખાનગી સંસ્થાએ જણાવ્યુ છે : તામિલનાડુ માટે રેડ એલર્ટ જાહેરઃ 'ફાની' FANI વાવાઝોડુ ધસમસી રહ્યુ છે access_time 11:22 am IST

  • પાકિસ્તાન ઈચ્છે છે કે મોદી પીએમ બને કારણ કે બંને દેશોમાં સાંપ્રદાયિકતા વધે ;સીતારામ યેચુરીનું વિવાદી નિવેદન :સીપીએમના મહાસચિવ યેચુરીએ કહ્યું કે પાકિસ્તાની પીએમ ઇમરાનખાને કહ્યું હતું કે જો ભારતમાં ભાજપ ચૂંટણી જીતશે તો શાંતિવાર્તા કરવા અને કાશ્મીર મુદ્દો ઉકેલવાનો ઉત્તમ અવસર ઉપલબ્ધ થશે access_time 1:15 am IST