Gujarati News

Gujarati News

News of Sunday, 25th February 2018

ડેસર તાલુકાના વરસડા- ૪ ની નર્મદા માયનોર કેનાલમાં જબરજસ્ત ગાબડુ પડયુ : ખેતર જળબંબાકાર: ખેતર તળાવમાં રૂપાંતર

ડેસર:  ડેસર તાલુકાના વરસડા- ૪ ની નર્મદા માયનોર કેનાલમાં આજે સવારે જબરજસ્ત ગાબડુ પડયુ હતું. સ્થાનિક ખેડૂતોને ખબર પડે તે પહેલાં પોતાના વાવેતર કરેલા ખેતરમાં માયનોર કે પાણી ફરી વળ્યુ હતું. મેરાકુવા ગામના ખેડૂત જસુભાઇ પરમારના સર્વે નંબર ૭૯૩ વાળા ખેતરના સેઢેથી પસાર થતી વરસડા માયનોર- ૪ માં સવારે ગાબડુ પડયુ હતું. તેઓ તેમના ખેતરમાં ગયા ત્યારે બાજરીના વાવેતર કરેલા ખેતરમાં પાણી ભરાતુ હતું. ધીરે ધીરે કેનાલના પડેલા ગાબડાએ મોટુ સ્વરૂપ ધારણ કર્યુ હતું અને માયનોર કેનાલ રીતસરની વચ્ચેથી તૂટી ગઇ હતી. કેનાલમાં જેટલું પાણી વહેતુ હતું તે તમામ જસુભાઇના ખેતરમાં વળી જતા જોતજોતામાં તેમનું ખેતર તળાવમાં રૂપાંતર થવા પામ્યુ હતું.

મેરાકુવાના ખેડૂતે નર્મદા કેનાલના અધિકારીઓનું ટેલિફોનથી ધ્યાન દોર્યું હતું અને નજીકમાં રહેતા ગેટમેનનુ ધ્યાન દોરતા તેણે માયનોર કેનાલનો ગેટ આગળથી બંદ કરી દીધો હતો. પરંતુ ત્યાં સુધીમાં તો ખેડૂતનું ૪ વિઘાનું ખેતર તળાવ બની ગયુ હતું અને ખેતી બરબાદ થઇ ગઇ હતી. આ કેનાલની મરામત મહીના અગાઉ જ કરવામાં આવી હતી. તો ટૂંકા ગાળામાં કેનાલમાં આટલુ મોટુ ગાબડુ કયા કારણોસર પડયું તે એક તપાસનો વિષય છે.

(11:45 am IST)
  • કેન્દ્રીય માનવ સંશાધન વિકાસમંત્રી પ્રકાશ જાવડેકરે શાળાના બાળકોને રાહત આપતા જણાવ્યુ છે કે, ૨૦૧૯ના શૈક્ષણિક વર્ષથી એનસીઈઆરટીના અભ્યાસક્રમમાં ૫૦ ટકા સુધીનો ઘટાડો કરવામાં આવશે. તેમણે જણાવ્યુ હતું કે અત્યારે શાળાઓનો અભ્યાસક્રમ બીએ અને બીકોમ કરતા પણ વધુ છે. જેના કારણે વિદ્યાર્થીઓ પર દબાણ સર્જાય છે. જેથી અમે આ અભ્યાસક્રમમાં ૫૦ ટકા સુધીનો ઘટાડો કરીશું, જેથી વિદ્યાર્થીઓને પોતાના સર્વાંગી વિકાસ માટે સમય મળી રહે. access_time 10:47 am IST

  • વિવાદીત બાબરી મસ્જીદ ઉપરનો હક્ક નહીં છોડીએ : મસ્જીદ હતી અને રહેશે : અસદુદ્દીન ઓવૈસીનો હુંકાર access_time 11:54 am IST

  • દુબઈમાં અભિનેત્રી શ્રીદેવીના પાર્થિવદેહનું પોસ્ટમોર્ટમ પૂરું :પોલીસનો અંતિમ રિપોર્ટ તૈયાર કરી શકી નથી :પરિવારજનોને ફોરેન્સિક તપાસ રિપોર્ટની રાહ :સામાન્ય પ્રોટોકોલ મુજબ દુબઈમાં હોસ્પિટલ બહાર મૃત્યુ મામલે આ તપાસ 24 કલાકથી વધુ સમય લાગે છે :દુબઇ પોલીસ દ્વારા તપાસ ચાલુ : હવે શ્રીદેવીનો પાર્થિવ દેહ સંભવત મોડી રાત્રે નહિ પરંતુ કાલે, સોમવારે જ મુંબઈ આવશે access_time 1:24 am IST