Gujarati News

Gujarati News

News of Monday, 25th January 2021

૯૦૯૪ બેઠકો માટે ૩૦ હજારથી વધુ લડવૈયાઓ નસીબ અજમાવશે

સ્થાનિક સ્વરાજયની ચૂંટણી માટે ૪૭૬૯પ પૈકી ૬૧૪૭ મતદાન મથકો અતિ સંવેદનશીલઃ ૩ લાખ જેટલા કર્મચારીઓ ફરજ પર

રાજકોટ તા. રપઃ રાજય ચૂંટણી પંચે ૩૧ જિલ્લા પંચાયતો ર૩૧ તાલુકા પંચાયતો, ૮૧ નગરપાલિકાઓ અને ૬ મહાનગર પાલિકાઓની ચૂંટણી માટે ચૂંટણી કાર્યક્રમ જાહેર કરી દીધો છે. શહેરી ક્ષેત્રોની ચૂંટણી ર૧ ફેબ્રુઆરીએ અને ગ્રામીણ ક્ષેત્રોની ચૂંટણી ર૮ ફેબ્રુઆરીએ યોજાનાર છે. બધી મળીને ૬પ૭૭ વોર્ડની ૯૦૯૪ બેઠકો માટે ચૂંટણી છે. દરેક બેઠક પર સરેરાશ ત્રણ - ચાર ઉમેદવારો ગણવામાં આવે તો કુલ આંકડો ૩૦ હજારે પાર કરી જશે. જે બેઠકમાં ૧૬ થી વધુ ઉમેદવારો થશે ત્યાં એકથી વધુ મત મશીન મૂકાશે. ૪.૯ કરોડ જેટલા મતદારો છે. રાજયમાં સ્થાનિક સ્વરાજયની ચૂંટણી માટે ૪૭૬૯પ મતદાન મથકો નકકી કરવામાં આવ્યા છે. ૧૧૬૯૪ સંવેદનશીલ અને ૬૧૪૭ અતિ સંવેદનશીલ છે. ૯૧૭૧૬ મત મશીનનો ઉપયોગ કરવામાં આવશે જેનું પ્રથમ ચરણનું ચેકીંગ પુરૂ થઇ ગયું છે. ર.૮૪ લાખ જેટલા સરકારી કર્મચારીઓ ચૂંટણી ફરજ પર રહેશે. ચૂંટણીની તાલીમ શરૂ થઇ ચૂકી છે. સુરક્ષા માટે ૧ લાખથી વધુ કર્મચારીઓ (પોલીસ) ખડે પગે રહેશે.

ચૂંટણી પંચે ચૂંટણીનું એલાન કરી દેતા રાજકીય ગતિવિધિઓ તેજ બની છે. ભાજપ-કોંગ્રેસ અને અન્ય પક્ષોએ ઉમેદવાર પસંદગીની પ્રક્રિયાનો મહત્વનો તબકકે શરૂ કર્યો છે. સંખ્યાબંધ અપક્ષ ઉમેદવારો પણ મેદાને પડનાર છે.

(11:59 am IST)
  • પ-૧૦-૧૦૦ની નોટ માર્ચ પછી :નહિ ચાલે એવા રીપોર્ટ સરકારે નકાર્યા : નવી દિલ્હી : આ વર્ષના માર્ચથી રીઝર્વ બેંક પ-૧૦-૧૦૦ રૂપિયાની નોટ ઉપર પ્રતિબંધ મૂકશે એવા વ્હેતા થયેલા અહેવાલોને સરકારે નકારી કાઢયા છે PIBએ આ પ્રકારના આવેલા અહેવાલોને ફેક ગણાવ્યા છે એવી ભારપૂર્વક સ્પષ્ટતા થઇ છે કે રીઝર્વ બેંકે આવી કોઇ જાહેરાત કરી નથી. (પ-૧પ) access_time 11:49 am IST

  • આગામી વર્ષોમાં વધુ એક રાજયમાં નશાબંધી લાદવામાં આવે તેવી સંભાવના છે : દારૂની પરમીટ માટેની ફી ૧૨ હજાર અને લટકામાં ૫૧ હજાર ગેરન્‍ટી મનીના! : જે લોકો દારૂ માગતા હોય તે ‘સ્‍ટોર' કરવા માગતા હોય તેના માટે ઉત્તરપ્રદેશમાં દારૂના વેચાણ ઉપર બાજ નજર રાખવા યોગી સરકારે નવા લાયસન્‍સ ઈસ્‍યુ કર્યા છે : નવા દારૂના લાયસન્‍સ માટેની ફી ૧૨ હજાર રૂપિયા અને ગેરન્‍ટી મની તરીકે ૫૧ હજાર ઉમેરવામાં આવ્‍યા છે : બે બીજા રાજયો પણ રાજ્‍ય વ્‍યાપી ‘દારૂબંધી' લાદવા માંગતા હોવાનું ન્‍યુઝ ફર્સ્‍ટ નોંધે છે access_time 4:31 pm IST

  • વિધાનસભાની ચૂંટણીઓ પહેલા મોદી પ્રધાન મંડળની પુનઃ રચના થશે : લીસ્ટ તૈયાર : આસામ, પશ્ચિમ બંગાળ અને તામિલનાડુ વિધાનસભાની ચૂંટણીઓ પહેલા વડાપ્રધાન નરેન્દ્રભાઈ મોદી તેમના પ્રધાન મંડળની પુનઃ રચના કરે તેવી સંભાવના હોવાનું ન્યુઝ ફર્સ્ટ જણાવે છે : યોગ્ય સમયે ફેબ્રુઆરીના છેલ્લા અઠવાડીયામાં અથવા તો માર્ચના પહેલા અઠવાડીયામાં નવા પ્રધાનો શપથ લ્યે તેવી પૂરી સંભાવના છે : ૨૦ નવા પ્રધાનોનું અને પ્રધાનમંડળમાં ફેરફારોમાં લીસ્ટ તૈયાર હોવાનું પણ જાણવા મળે છે access_time 3:08 pm IST