Gujarati News

Gujarati News

News of Saturday, 24th October 2020

ગુજરાતમાં કોરોના ધીમો પડયોઃ ઓકિસજનનો દૈનિક વપરાશ ર૪૦ મેટ્રીક ટનથી ઘટીને ૧પ૩

રાજયમાં રોજ પ૦૦ મેટ્રીક ટન ઉત્પાદનની ક્ષમતાઃ ડો. કોશિયા

રાજકોટ તા. ર૪: રાજયમાં નજીકનાં ભૂતકાળની સરખામણીએ કોરોનાં ધીમો પડતાં તેની સીધી અસર ઓકસીજન-ઇન્જેકશન દવાઓનાં ઉપયોગ પર પડી છે. કોરોનાનું જોર ઘટયું છે જે લોકો અને સરકાર માટે રાહત રૂપ છે.

રાજયનાં ખોરાક અને ઔષધ નિયમન તંત્રનાં કમિશનર ડો. એ. જી. કોશિયા એ જણાવ્યા મુજબ સપ્ટેમ્બરમાં જયારે કોરોના ગુજરાતમાં એકદમ ઉંચાઇ પર હતો ત્યારે દર્દીઓ માટેનાં ઓકસીજનનો વપરાશ દૈનિક ર૪૦ મેટ્રીક ટન હતો. ઘટીને અત્યારે ૧પ૭ મેટ્રીક ટન જેટલો થયો છે.

ઓકસીજનનો વપરાશ ઘટયો છે. તે બતાવે છે કોરોનાનાં દર્દીઓની સંખ્યા અને ઓકસીજનની જરૂરીયાત ઘટી છે. હાલ રાજયમાં પ૭ કંપનીઓ ઓકસીજન ઉત્પાદન કરે છે જેની પ૦૦ મેટ્રીક ટન ઉત્પાદનની ક્ષમતા છે. હાલ હોસ્પીટલમાં ૪૦૦ અને કંપનીઓ પાસે ૮૦૦ મેટ્રીક ટન મળી કુલ ૧ર૦૦ મેટ્રીક ટન જેટલો ઉપલબ્ધ છે. ઓકસીજન બાબતે ગુજરાતમાં ચિંતાનું કોઇ કારણ નથી.

ઉપરાંત કોરોનાનાં દર્દીઓ માટે વપરાતાં રેમેડીસીવર ઇન્જેકશન અને ફેરી પેરાવીર-ર૦૦ એમ.જી. ગોળીઓની માંગમાં પણ નોંધપાત્ર ઘટાડો થયો છે.

(3:43 pm IST)
  • આર્મેનીયા-અઝરબૈજાન જંગમાં ૫ હજાર મોતઃ વિશ્વ ઉપર યુદ્ઘનું મોટું જોખમઃ અમેરિકા યુદ્ઘ સમાપ્તિ માટે કાર્યરત : આર્મેનિયા અને અઝરબૈજાન વચ્ચે ચાલી રહેલા યુદ્ઘને સમાપ્ત કરવા માટે અમેરિકા આગળ આવ્યું છે. અમેરિકાના વિદેશ મંત્રી માઈક પોમ્પિયોએ બંને દેશોના નેતાઓ સાથે મુલાકાત કરી, જેથી સમાધાનને શકય બનાવી શકાય. જો કે, તેઓ સફળ થાય તેવી આશા ખૂબ જ ઓછી દેખાઈ રહી છે. access_time 3:04 pm IST

  • '૫૦' વટાવી ચુકેલ પોલીસોની દાંડાઇ હવે યોગી સરકાર ચલાવી નહિ લ્યે : ૫૦ વર્ષથી મોટા ઉમરના અને કામ નહિ કરતા પોલીસ કર્મીઓનું લીસ્ટ યોગી સરકાર તૈયાર કરાવી રહી છે. આ બધાને વહેલા સેવા નિવૃત કરી દેવાશે રાજયના તમામ પોલીસ વડાને લીસ્ટ તૈયાર કરવા યોગી આદિત્યનાથે ફરી આદેશ આપ્યો access_time 3:04 pm IST

  • રાજ્યમાં ફ્રન્ટલાઇન કોરોના વોરિયર્સની સંખ્યા ૨.૧૦ લાખ : ડેટાબેઝ તૈયાર કરવાની કાર્યવાહી : કેન્દ્રીય આરોગ્ય સચિવ સાથે વિડીયો કોન્ફોરન્સમાં આરોગ્ય સચિવ ડો. જયંતિ રવિએ સરકારને આંકડા આપ્યા access_time 3:38 pm IST