Gujarati News

(અશ્વિન વ્યાસ દ્વારા) ગાંધીનગર, તા. ૨૪ : વિધાનસભામાં આજે બપોરે કોંગ્રેસે ધાંધલ ધમાલ મચાવી હતી. ખાનગી શાળાઓમાં ફી ઘટાડાનો મુદ્દો ઉછળતા વિપક્ષ કોંગ્રેસે ગૃહમાં હો - હા દેકારો કરી મૂકયો હતો. 'માફ કરો, માફ કરો'ના સૂત્રોચ્ચારો સાથે વોકઆઉટ કરી લીધો હતો.

ખાનગી સ્કુલોની ફીમાં ઘટાડો કરવા બાબતે ઈમરાન ખેડાવાલાના ટૂંકી મુદ્દતના પ્રશ્નના ઉત્તરમાં શિક્ષણમંત્રીએ જણાવ્યુ હતું કે ખાનગી શાળાઓ અંગેની ફી બાબતે રાજય સરકાર દ્વારા નામ, ગુજરાત હાઈકોર્ટમાં MCA NO.01.2020 તા.૨૪-૮-૨૦૨૦ના રોજ દાખલ કરેલ. તા. ૧૫-૯-૨૦૨૦ની સ્થિતિએ બાબત ન્યાયાધીન હતી.

વિરોધ પક્ષ દ્વારા આ પ્રશ્ને ગૃહમાં ભારે હો - હા દેકારો કરી 'માફ કરો, માફ કરો'ના ભારે સૂત્રોચ્ચાર કરી વોકઆઉટ કરવામાં આવ્યો.

ખાનગી સ્કુલોની ફી માફ કરવા સખ્ત વિરોધ પ્રદર્શન કરવામાં આવ્યો હતો અને ગૃહમાંથી વોકઆઉટ કરી લીધો હતો.