Gujarati News

Gujarati News

News of Thursday, 24th September 2020

વલસાડના યુવાઓ માટે સાઇબર ક્રાઇમ અવેરનેસ ડ્રાઇવ યોજાઇ

પી.એસ.આઇ. એન.ટી.પુરાણીએ સાઇબર ક્રાઇમના પ્રકારો અને તેનાથી કેવી રીતે સાવધાની રાખવી તે અંગે પ્રેઝન્‍ટેશન થકી વિસ્‍તૃત સમજણ આપી

(કાર્તિક બાવીશી દ્વારા )વલસાડ : રોટરી કલબ ઓફ વલસાડ દ્વારા જિલ્લા પોલીસ વિભાગના સહયોગથી એન.કે.દેસાઇ સાયન્‍સ કૉલેજ તથા બીલીમોરાની વી.એસ. પટેલ કૉલેજના વિદ્યાર્થીઓ માટે સાઇબર ક્રાઇમ અવેરનેસ ડ્રાઇવ અંતર્ગત ઓનલાઇન સેમિનારનું આયોજન કરાયું હતું. જેમાં પી.એસ.આઇ. એન.ટી.પુરાણીએ સાઇબર ક્રાઇમના પ્રકારો અને તેનાથી કેવી રીતે સાવધાની રાખવી તે અંગે પ્રેઝન્‍ટેશન થકી વિસ્‍તૃત સમજણ આપી હતી. 

 કોઇપણ પ્રકારની છેતરપિંડી થઇ હોય તો ૧૦૦ નંબર ઉપર તાત્‍કાલિક જાણ કરવા જણાવ્‍યું હતું. તેમણે વિદ્યાર્થીઓ સાથે પ્રશ્‍નોત્તરી કરી તેમની મૂંઝવણો દૂર કરતા જવાબો આપ્‍યા હતા. 

 રોટરી કલબના પ્રમુખ રાજેશ પટેલે સ્‍વાગત પ્રવચનમાં સૌને આવકારી આજના સમયમાં ઓનલાઇન પેમેન્‍ટ વધી રહયું છે, ત્‍યારે તે અંગે જાગૃતિ લાવવાની જરૂરિયાત સમજાવી હતી. સમગ્ર કાર્યક્રમનું સંચાલન રોટરી કલબના દીપેશ શાહે જ્‍યારે રોટરેકટ સેક્રેટરી શૈલજા મુફતીએ આભારદર્શન કર્યું હતું.

(2:51 pm IST)
  • ભરૂચ નજીક ફરી એકવાર ટ્રાફિક જામની સ્થિતિ, બીસ્માર હાઇવેને પગલે ૧પ કિલો મીટર લાંબો ટ્રાફિક જામ : ઇમરજન્સી કામ માટે નીકળેલા અનેક વાહન ચાલકો ટ્રાફિક જામમાં અટવાયા, તંત્રના વાંકે સામાન્ય જનતાને અનેક પરેશાની access_time 4:03 pm IST

  • હૈદ્રાબાદની ટીમમાં જેશન હોલ્ડરનો સમાવેશ :સનરાઈઝ હૈદ્રાબાદનો ઓલરાઉન્ડર મિચેલ :માર્શને પગની ઘૂંટીની ઈજા થતા આઈપીએલમાંથી આઉટ : તેના સ્થાને વિન્ડીઝના ઓલરાઉન્ડર જેશન હોલ્ડરનો ટીમમાં સમાવેશ access_time 2:53 pm IST

  • પાકિસ્તાનના ઇસ્લામાબાદથી પશ્ચિમમાં 4૦ કિલોમીટરે આજે સાવરે 5.46 વાગ્યે (IST) 4.6 ની તીવ્રતાનો ભૂકંપનો આંચકો આવ્યો અને અફઘાનિસ્તાનના કાબુલથી ઉત્તર પૂર્વમાં 237 કી.મી. ના અંતરે 4.3 ની તીવ્રતાનો ધરતીકંપ નોંધાયો : રાષ્ટ્રીય સિસ્મોલોજી કેન્દ્ર access_time 8:39 am IST