Gujarati News

Gujarati News

News of Friday, 24th May 2019

વડોદરાનાં અટલાદરા-પાદરા રોડ પર પાણી ભરેલ ટેન્કરની ટક્કરે માતા-પુત્રનું કમકમાટીભર્યા મોત : ટેન્કર ચાલક ફરાર

સમીયાલામાં માસીના ઘરે વેકેશન ગાળવા આવેલ : વડોદરામાં ખરીદી કરવા જતા રસ્તામાં કાળ ભેટ્યો

વડોદરાનાં અટલાદરા-પાદરા રોડ પર  પાણી ભરેલા ટેન્કરની અડફેટે ટુ વ્હીલર પર સવાર માતા પુત્રનું ઘટના સ્થળે મોત નીપજ્યું છે. અકસ્માત બાદ ટેન્કર ચાલક ફરાર થઇ ગયો હતો

   આ અંગે મળતી મુજબ પંચમહાલ જિલ્લાના સંતરામપુરનાં રહેવાસી 29 વર્ષનાં નિમીષાબહેન દરજી તેમના એક વર્ષના પુત્ર શૌર્યને લઇને ટુ વ્હીલર પર જઇ રહ્યાં હતાં. તેઓ પાદરા તાલુકાના સમીયાલા ગામમાં રહેતા માસીના ઘરે વેકેશન ગાળવા આવ્યા હતા.

    આજે સવારે નિમીષાબહેન તેમના પુત્ર શૌર્યની સાથે ટુ-વ્હીલર પર વડોદરામાં ખરીદી કરવા માટે નીકળ્યા હતા. તે દરમિયાન અટલાદરા-પાદરા રોડ પર પસાર થઇ રહેલા પાણી ભરેલા ટેન્કર ચાલકે ટુ-વ્હીલર પર જઇ રહેલા માતા-પુત્રને અડફેટે લીધા હતા.

   ટેન્કરની ટક્કર વાગતા જ માતા-પુત્ર રોડ પર પટકાયા હતાં. માતા પુત્ર ઉપર ટેન્કરના તોતીંગ પૈડાં ફરી વળતા બંનેના સ્થળ પર મોત નીપજ્યા હતા. આ બનાવની જાણ માંજલપુર પોલીસને કરવામાં આવી હતી. પોલીસે આ અંગે ટેન્કર ચાલક સામે ગુનો નોંધી કાર્યવાહી હાથ ધરી હતી .

(9:42 pm IST)
  • રાજસ્થાનના સીએમ ગેહલોટ હવે રાહુલ ગાંધીની કરશે મુલાકાત :લોકસભા ચૂંટણીમાં રાજસ્થાનમાં કોંગ્રેસનો સફાયો થયો છે ત્યારે રાજસ્થાનના સીએમ અશોક ગેહલોત અને સચિન પાયલટ કોંગ્રેસ અધ્યક્ષ રાહુલ ગાંધી સાથે મુલાકાત કરી શકે છે access_time 2:06 pm IST

  • અમદાવાદના દાણીલીમડાના બેરલ માર્કેટ પાસે ગરમ ઓઇલ પડતાં કામદારનું હોસ્પિટલમાં સારવાર દરમિયાન મોત : પોલીસે સમગ્ર મામલે તપાસ હાથ ધરી access_time 2:11 pm IST

  • રાજબબ્બરનું રાજીનામુ : યુપીમાં કોંગ્રેસનો ધબડકો થતાં પ્રદેશ અધ્યક્ષ રાજ બબ્બરે પોતાના પદ ઉપરથી રાજીનામુ આપી દીધું છેઃતેમણે રાજીનામાનો પત્ર પક્ષના પ્રમુખ રાહુલ ગાંધીને મોકલી આપ્યો છેઃ તેમણે પરાજયની જવાબદારી સ્વીકારી લીધી છે. access_time 11:32 am IST