Gujarati News

Gujarati News

News of Wednesday, 24th April 2019

સુરત અને માણાવદરના ચર્ચાસ્પદ વાયરલ વિડીયો અંગે કેન્દ્રીય ચૂંટણીપંચને તાકીદે રિપોર્ટ મોકલાયો

ભાજપના પ્રધાનના મતક્ષેત્રનો નહિ, જુનાગઢનો વિડીયોઃ એ વિડીયો સુરતનો નહિ પશ્ચિમ બંગાળનોઃ ચૂંટણી પંચના નોડલ ઓફીસર નરસિંમ્હા કોમાર સાથે અકિલાની વાતચીત

રાજકોટ, તા., ૨૪:ગઇકાલે ગુજરાતભરમાં થયેલા લોકસભાના મતદાનમાં ગુજરાતના ઇતિહાસમાં કયારે પણ બન્યું ન હોય તે પ્રકારનો માણાવદર પંથકનો વિડીયો વાયરલ કરવા સાથે પેટા ચૂંટણી લડી રહેલા ગુજરાતના એક પ્રધાનના માણસો હોવાની ચર્ચાએ જોર પકડયું હતું અને બિહારથી ચઢે તેવી ઘટના હોવાની વાતોનો વિડીયો વાયરલ થયો હતો.

ઉકત બાબતે લો એન્ડ ઓર્ડરના આઇજીપી અને ચૂંટણી પંચના નોડલ ઓફીસર નરસિંમ્હા કોમારે અકિલા સાથેની વાતચીતમાં જણાવેલ કે એ વાયરલ વિડીયો માણાવદર પંથકે ત્યાંથી પેટા ચુંટણી લડતા ગુજરાતના પ્રધાનને કંઇ લાગુ વળગતું નથી.

તેઓએ જણાવેલ કે આ ઘટના જુનાગઢના એક ચોક્કસ વિસ્તાર અને તે વિસ્તારના બુટલેગર સંજય દુલા સોલંકી કિશોર ખાંટ અને અશોક દ્વારા મતદાન કરતા અટકાવ્યાની જાણ સવારે ૭.૩૦ના અરસામાં થતા જુનાગઢ એસપી સૌરભસિંઘ દ્વારા તાકીદે ઘટના સ્થળે પહોંચી આોરપીઓ સામે ગુન્હાઓ દાખલ કરી તેને અટક કરી હતી. મતદાન કોઇ જાતના ભયો કે ડર વગર ત્યાર બાદ આખો દિવસ શાંતીથી ચાલેલ.

નરસિંમ્હા કોમારે વિશેષમાં જણાવેલ કે દક્ષિણ ગુજરાતના આદિવાસી વિસ્તારના  નામે યુ-ટયુબના માધ્યમથી એક વિડીયો વાયરલ કરાયેલ અને ફેસબુક પર પણ મુકવામાં આવેલ.

ફેસબુક પર જેણે આ વિડીયો મુકેલ તેની સઘન પુછરપછ કરતા આ વિડીયો સાઉથ ગુજરાતનો નહિ પરંતુ પશ્ચિમ બંગાળનો હોવાનું ખુલવા પામેલ. યુ-ટયુબ પરથી ડાઉન લોક કરીઆ વિડીયો દક્ષિણ ગુજરાતનો હોવાનું જણાવવામાં આવેલ. આ વિડીયોમાં મતદાન મથકની અંદર મતદારોને હાથ પકડી-પકડી જબ્બરજસ્તીથી મતદાન કરાવી રહયાનું દર્શાવવામાં આવેલ. આવા વિડીયોથી ગુજરાતનું તંત્ર અને ચૂંટણી પંચ પણ ચોંકી ઉઠેલ અને આ બાબતે તાકીદે તપાસ હાથ ધરતા સત્ય બહાર આવેલ.

(3:39 pm IST)
  • વડાપ્રધાન મોદી સાથે આવતીકાલે સવારે ૯ વાગ્યે અક્ષયકુમાર કરશે કઈક નોખી અનોખી મુલાકાત : અત્યારે ચુંટણીના માહોલમાં જ્યારે આખો દેશ રાજનીતિની વાતો કરી રહ્યો છે ત્યારે અક્ષયકુમાર આ મુલાકાત દરમ્યાન પ્રધાનમંત્રી મોદી સાથે સંપૂર્ણપણે બિન રાજકીય અને કઈક જુદીજ અંતરંગ વાતો કરશે : આ સમગ્ર મુલાકાતનું ટેલીકાસ્ટ ANI સમાચાર સંસ્થાના સોશ્યલ મીડિયા હેન્ડલ્સ પર પ્રદર્શિત કરવામાં આવશે access_time 10:34 pm IST

  • અધધધ....: જેટ એરવેઝ ઉપર ૯ ભારતીય બેન્કો અને ૨ વિદેશી બેન્કોનું અધધધ ૧૧,૨૬૧ કરોડનું દેવું : એસબીઆઇ : ૧૯૫૮ કરોડ : પંજાબ બેન્ક : ૧૭૪૬ કરોડઃ યસ બેન્ક ૮૬૯ કરોડ : આઇડીબીઆઇ ૭૫૨ કરોડ : કેનેરા બેન્ક ૫૪૫ કરોડ : બેન્ક ઓફ ઇન્ડિયા ૨૬૬ કરોડ : ઇન્ડિયન ઓવરસીઝ બેન્ક ૨૧૨ કરોડ અને સીન્ડીકેટ બેન્ક ૧૮૫ કરોડ : વિદેશી બેન્કો મસ્રેક બેન્ક ૧૪૦૦ કરોડ અને એસએસબીસી બેન્ક ૯૧૦ કરોડ access_time 4:02 pm IST

  • રાજકોટમાં આવતીકાલે આકરો તાપઃ ઓરેન્જ એલર્ટ જાહેર કરતા બંછાનીધી પાની : આવતીકાલે શહેરમાં ૪પ ડીગ્રી જેટલુ તાપમાન રહેશે access_time 4:19 pm IST