Gujarati News

Gujarati News

News of Tuesday, 24th April 2018

તું અમને કાયદો શીખવાડે છે તેમ કહીને જાતિ પ્રત્યે હડધુત કરનાર ખેડાના તત્કાલીન પીઅેસઆઇ અે.આર. ઝાલાને અેટ્રોસિટી કેસમાં ૪ વર્ષની સજા ફટકારતી નડિયાદની સ્પેશ્યલ સેશન્સ કોર્ટ

અમદાવાદઃ અમદાવાદ: હાલ કચ્છના ગઢશીશા પોલીસ સ્ટેશનમાં ફરજ બજાવતા પોલીસ સબ ઈન્સ્પેક્ટર એ.આર. ઝાલાને એટ્રોસિટીના કેસમાં કોર્ટે ચાર વર્ષની સખત કેદની સજા ફટકારી છે. ઝાલા ખેડામાં ફરજ બજાવતા હતા ત્યારે તેમની સામે 2015માં એટ્રોસિટીની ફરિયાદ દાખલ થઈ હતી, જેનો કેસ નડિયાદની સ્પેશિયલ સેશન્સ કોર્ટમાં ચાલી જતા તેમને ચાર વર્ષની સખત કેદની સજા ફટકારાઈ છે.

મૂળ ધ્રાંગધ્રાના રહેવાસી અજયસિંહ ઝાલા વિરુદ્ધ મનુભાઈ વાઘેલા નામના વ્યક્તિએ એટ્રોસિટીની ફરિયાદ નોંધાવી હતી. ફરિયાદમાં તેમણે જણાવ્યું હતું કે, ઝાલાએ તેમને જાતિ વિષયક અપશબ્દો બોલી અપમાનિત કર્યા હતા. ફરિયાદી મનુભાઈએ ઝાલા પર પોતાને તું અમને કાયદો શીખવાડે છે..તેમ કહી મોઢાના ભાગે, તથા છાતીમાં અને પેટમાં લાતો તેમજ મુક્કા માર્યા હતા તેવો પણ આક્ષેપ કર્યો હતો.

ફરિયાદ અનુસાર, ઝાલાએ મનુભાઈ ઉપરાંત અશોક બારૈયા નામના શખ્સ સાથે પણ મારઝૂડ કરી હતી. જેની સામે તેમની સામે એટ્રોસિટીની ફરિયાદ નોંધાવાઈ હતી. આ કેસની નડિયાદના સ્પેશિયલ જજ (એટ્રોસિટી) તથા એડિશનલ સેશન્સ મેજિસ્ટ્રેટ વી.ડી. પરમારની કોર્ટમાં ચાલી રહી હતી.

જેમાં સરકારી વકીલની દલીલો તેમજ સમગ્ર પુરાવાને ધ્યાનમાં લઈ કોર્ટે પીએસઆઈ અજયસિંહને એટ્રોસિટીની કલમ 3 (1) (આર) (એસ)ના ગુનામાં ચાર વર્ષની સખત કેદ તથા 5000 રુપિયાનો દંડ ફટકાર્યો છે. જો ગુનેગાર દંડ ન ભરે તો વધુ પાંચ માસની સાદી કેદની સજાનો હુકમ પણ કોર્ટે કર્યો છે.

(6:05 pm IST)
  • અમરેલી:બીટ કોઈન મામલે એસ.પી.જગદીશ પટેલની ધરપકડ બાદ જીલ્લાની મુખ્ય બે બ્રાન્ચનુ વિસર્જન:એસ.ઓ.જી.બ્રાન્ચ ના 11 પોલીસ કર્મીને અન્ય પોલીસ સ્ટેશનમા કરાઇ બદલી: એલ.સી.બી ના 15 પોલીસ કર્મીના પરત અન્ય પોલીસ સ્ટેશનમા બદલી કરાઈ : ઇન્ચાર્જ એસ.પી.બી.એમ.દેસાઈએ કર્યા ઓડર access_time 1:13 am IST

  • અહો આશ્ચર્યમ ;ડોનાલ્ડ ટ્રમ્પએ ઉત્તર કોરિયાના શાસક કિમ જોંગની કર્યા વખાણ :ટ્રમ્પએ કહ્યું કિમ અત્યંત આદરણીય વ્યક્તિ છે ;તેઓ બન્ને વચ્ચે વહેલીતકે બેઠક યોજાશે.:અમેરિકા કિમ જોંગની ક્રૂરતા અને છેતરપિંડી માટે લાંબા સમય માટે ટીકા કરી રહ્યું છે,તેવામાં અમેરિકન રાષ્ટ્રપતિ ટ્રમ્પએ ઉત્તર કોરિયાના નેતાની પ્રશંસા કરતા આશ્ચર્ય ફેલાયું છે access_time 1:29 am IST

  • પાટણનાં મીઠીધારીયાલ ગામ પાસે જીપનો થયો ભયંકર અકસ્માત : અકસ્માતમાં ત્રણ લોકોના મોત : ઘણા લોકો ઘાયલ થયા હોવાનું પ્રાથમિક જાણવા મળી રહ્યું છે. access_time 8:43 pm IST