Gujarati News

Gujarati News

News of Monday, 23rd November 2020

અમદાવાદમાં 57 કલાકના કર્ફ્યુનો અંત આવતા જમાલપુર શાકમાર્કેટમાં ટોળા ઉમટ્યા: સોશ્યલ ડીસ્ટન્સના ધજાગરા

લોકો શાકભાજી ખરીદવા નીકળી પડતા ભારે ભીડ : કેટલાક ગ્રાહકો અને વેપારીઓ પણ માસ્ક પહેર્યા વિનાના જોવાયા

અમદાવાદ: શહેરમાં વધતા જતાં કોરોનાના સંક્રમણને કાબૂમાં કરવા માટે તકેદારીના ભાગરૂપે રાજ્ય સરકારના 57 કલાકના કરફ્યુનો આજે સવારે અંત આવતાની સાથે જ શહેરના રસ્તાઓ પર લોકોની ચહલ-પહલ જોવા મળી રહી છે શહેરના જમાલપુર શાકમાર્કેટમાં લોકોના ટોળેટોળા ઉમટી પડ્યા હતા. લોકો શાકભાજીની ખરીદી કરવા માટે નીકળી પડતા માર્કેટમાં ભીડ જોવા મળી હતી. જેના કારણે સોશિયલ ડિસ્ટન્સિંગના નિયમોના લીરેલીરા ઉડ્યા હતા. આટલું જ નહીં, કેટલાક ગ્રાહકો અને વેપારીઓ પણ માસ્ક પહેર્યા વિનાના જોવા મળ્યા હતા

અમદાવાદમાં શુક્રવારે રાત્રે 9 વાગ્યાથી શરૂ થયેલા 57 કલાકમાં કડક કરફ્યુનો આજે અંત આવ્યો છે. જો કે રાત્રી કરફ્યુ યથાવત જ છે. અમદાવાદ સિવાય સુરત, વડોદરા અને રાજકોટ જેવા શહેરોમાં પણ કોરોનાનું સંક્રમણ (Corona Outbreak In Gujarat) વધતા નાઈટ કરફ્યુનું એલાન કરવામાં આવ્યું છે. આ શહેરોમાં પણ વહેલી સવારથી રસ્તા પર લોકોની અવરજવર જોવા મળી હતી.

(1:48 pm IST)
  • અમદાવાદની રાજપથ કર્ણાવતી અને બીજી કલબો કોરોના મહામારીની પરિસ્થિતિને લીધે બંધ રહેશે access_time 4:05 pm IST

  • આવતીકાલે વડાપ્રધાન નરેન્દ્રભાઈ મોદી દેશના રાજયોના મુખ્યમંત્રીઓ સાથે કોવિડ મહામારી ઉપર વિડીયો કોન્ફરન્સીંગથી ચર્ચા કરશે access_time 4:04 pm IST

  • મુંબઈ સહિત મહારાષ્ટ્રમાં જામતી ઠંડીઃ કાલથી ચેન્નાઈમાં ધમધોકાર વરસાદ : મહારાષ્ટ્રમાં મુંબઈ, પુણે, નાસિક, મહાબલેશ્વર સહિતના સ્થળોએ રાત્રીના અને વ્હેલી સવારે હવે ઠંડી જામતી જશે : વિશ્વ પ્રસિદ્ધ મહાબળેશ્વરમાં તો ૧૧-૧૨ ડિગ્રી જેવું ઠંડુ ઉ.માન થઈ જશે : ચેન્નાઈમાં આવતીકાલથી ૨૪-૨૫ બે દિવસ ધમધોકાર વરસાદ પડશે : ૨૫મીએ ૪ ઈંચથી પણ વધુ ભારે વરસાદ ખાબકવાની આગાહી થઈ છે : કાલે અને પરમદિવસે, મંગળ-બુધવારે જોરદાર પવન ફૂંકાશે : દિલ્હીનું હવામાન સવારનું ૧૧ ડિગ્રી અને દિવસનું ૨૪ ડિગ્રી આસપાસ રહેશે access_time 11:31 am IST