Gujarati News

Gujarati News

News of Monday, 23rd September 2019

પાંચકૂવા નજીક મકાનની દિવાલ તુટતા ખળભળાટ

એકને ઈજા થતાં સારવાર હેઠળ

અમદાવાદ, તા.૨૩ : શહેરના કાલુપુર વિસ્તારમાં પાંચકૂવા પાસે આવેલા મહોલ્લાનગરમાં એક મકાનની દીવાલ ધરાશાયી થઈ છે. દીવાલ તૂટી પડતા એક વ્યક્તિ ઇજાગ્રસ્ત થઇ હતી, જેને સારવાર માટે હોસ્પિટલમાં ખસેડવામાં આવ્યો હતો. બનાવને પગલે સમગ્ર વિસ્તારમાં ભારે ચકચાર મચી ગઇ હતી. જો કે, કોઇ મોટી જાનહાનિ નહી થતાં સ્થાનિક લોકો સહિત તંત્રએ રાહત અનુભવી  હતી. શહેરના કાલુપુર વિસ્તારમાં પાંચ કૂવા પાસે મહોલ્લાનગરમાં મકાનની દિવાલ ધરાશયી થવાની ઘટનાની જાણ થતાં જ ફાયરબ્રિગેડની ચાર ગાડીઓ ઘટનાસ્થળે પહોંચી ગઇ હતી.

              બે ભયજનક મકાન વચ્ચે આવેલી દીવાલ ધરાશાયી થઈ હોવાની આ દુર્ઘટનામાં એક વ્યકિત ઇજાગ્રસ્ત થઇ હતી, જેથી તેને તાત્કાલિક સારવાર માટે હોસ્પિટલમાં દાખલ કરાઇ હતી. દિવાલ ધરાશયી થવાની ઘટનાને લઇ સ્થાનિક લોકોના ટોળા ઉમટયા હતા. ફાયરબ્રિગેડના જવાનોએ તાત્કાલિક કામગીરી હાથ ધરી કાટમાળ ખસેડયો હતો. જો કે, આ દુર્ઘટનામાં કોઇ ગંભીર જાનહાનિ નહી થતાં સ્થાનિક લોકોએ ભારે રાહત અનુભવી હતી.

(7:34 pm IST)
  • કોંગ્રેસના વરિષ્ઠ નેતા જયરામ રમેશે કહ્યું કે હું ખુશ છું કે અમેરિકામાં પીએમ મોદીને નહેરુના યોગદાનની યાદ અપાવાઈ : જયરામ રમેશે કહ્યું કે તેને એ વાતની ખુશી છે કે વડાપ્રધાન મોદીને જવાહરલાલ નહેરુએ આપેલા યોગદાનની અમેરિકામાં યાદ દેવડાવી access_time 1:09 am IST

  • કાલથી કેરળમાં મધ્યમ - ભારે વરસાદ : અપર લેવલ એકટીવ સરકયુલેશન અને લો લેવલ હિલચાલના પગલે આગામી કેટલાક દિવસો (૨૪-૨૫ સપ્ટેમ્બર) સુધી કેરળમાં મધ્યમથી ભારે વરસાદની ખાનગી વેધર ચેનલે આગાહી કરી છે : ગાજવીજ સાથે બેંગ્લોર અને તામિલનાડુમાં વરસાદ પડવા સંભવ access_time 6:32 pm IST

  • ડોનાલ્ડ ટ્રમ્પને સમર્થન આપીને નરેન્દ્રભાઈએ જોખમી પગલુ ભર્યુ? નવી દિલ્હી : અમેરિકામાં 'હાઉડી મોદી' કાર્યક્રમમાં ડોનાલ્ડ ટ્રમ્પને સમર્થન આપીને વડાપ્રધાન નરેન્દ્રભાઈ મોદીએ જોખમી પગલુ ભર્યાનું ચર્ચાઈ રહ્યુ છે. જો ડોનાલ્ડ ટ્રમ્પ રાષ્ટ્રપતિની ચૂંટણી હારી જાય તો નરેન્દ્રભાઈ માટે પરિસ્થિતિ ખૂબ જ કઠીન બની જશે. નવા રાષ્ટ્રપતિ સાથે સંબંધ બાંધવામાં તેમને ઘણી પરીક્ષાઓનો સામનો કરવો પડશે તેવુ રાજકીય પંડિતો માની રહ્યા છે. access_time 5:39 pm IST