Gujarati News

અરવલ્લી : કોરોના વાયરસની મહામારી વચ્ચે સરકારે જાહેર સ્થળો પર માસ્ક પહેરાવનું ફરજિયાત કર્યું છે. માસ્ક ન પહેરતા લોકોને 200 રૂપિયા દંડ ફટકારાય છે આ માટે પોલીસને પણ દંડ ફટકારવાની સત્તા આપવામાં આવી છે. આ દરમિયાન અરવલ્લીના બાયડમાં પોલીસે દબંગ બનીને એક માવાના વેપારીને માર માર્યાનો બનાવ સામે આવ્યો છે. આ અંગેના સીસીટીવી ફૂટેજ પણ સામે આવ્યા છે. પોલીસે વેપારીને માસ્ક ન પહેરવા માટે દંડ ફટકાર્યો હતો.

બાયડમાં પોલીસે માવાના વેપારીને માર માર્યાના સીસીટીવી ફૂટેજ સામે આવ્યા છે. માસ્ક ન પહેરવા બદલ પોલીસે વેપારીને રૂપિયા 200નો દંડ ફટકાર્યો હતો. વેપારીએ દંડ પેટે પાંચ અને દસ રૂપિયાના સિક્કા આપતા પોલીસે પિત્તો ગુમાવ્યો હતો અને વેપારીને ફટકાર્યો હતો. હવે આ મામલે વેપારીએ પોતાની દુકાનના સીસીટીવી તપાસીને પોલીસ સામે કાર્યવાહી કરવાની માંગ કરી છે.