Gujarati News

Gujarati News

News of Saturday, 23rd May 2020

ગુજરાત એટીએસને બીજી મોટી સફળતા : દાઉદ ઇબ્રાહિમ માટે કામ કરનાર શરીફ ખાનના સાગરીત બાબુ સોલંકીને ઝડપ્યો

અમદાવાદ : ગુજરાત ATSને છેલ્લા 2 દિવસમાં બીજી મોટી સફળતા હાથ લાગી છે. ગુજરાત ATS એ દાઉદ ઇબ્રાહિમ માટે કામ કરનાર શરીફ ખાનના સાગરીત બાબુ સોલંકીને ઝડપી પાડ્યો છે. આરોપી હાલ મુંબઇમાં રહેતો હોવાની માહિતી એટીએસના પીઆઈ સીઆર જાદવને મળી હતી અને તે માહિતીના આધારે તેની ધરપકડ કરવા માં આવી છે.

 

              વર્ષ 2006માં આરોપી બાબુ સોલંકી અનેક ગુનાઓને અંજામ આપી મુંબઈ ભાગી ગયો હતો. જયાં બોડીગાર્ડનું કામ કરતો હોવાનું સામે આવ્યું છે. આરોપી બાબુ સોલંકી અને સાબિર મિયા સિપાહીને રૂપિયા 10 કરોડ કઢાવવા માટે ખંડણીનું કામ આપવામાં આવ્યું હતું અને આ કામ માટે બાબુ સોલંકીને ખંડણી પેટે 3 કરોડ રૂપિયા મળવાના હતા. આ ખંડણી ઊંઝાના એક વ્યક્તિ દ્વારા આપવામાં આવેલ પરંતુ આ ગુનામાં આરોપી સાબિર મિયાને એક હથિયાર, 5 કારતુસ અને જહાંગીર સૈયદને 1 રિવોલ્વર અને 7 કારતુસ સાથે ઝડપી પાડ્યા હતા. જે અંગે એટીએસમાં 2 જૂન 2006માં ગુનો દાખલ કરવામાં આવ્યો હતો.
              આરોપીઓની ગુનાહિત ઇતિહાસમાં  2006માં એટીએસમાં આર્મ્સ અને ખંડણી એક્ટનો ગુનો, 2008માં સુરતમાં 32 લાખની આંગડિયા લૂંટ, 1996માં મુંબઇમાં 307 નો ગુનો, 2015માં સિદ્ધપુરમાં લૂંટનો ગુનો, 2019માં નવરંગપુરા પોલીસ સ્ટેશન ખાતે નકલી પોલીસ બની લૂંટનો ગુનો દાખલ થયેલ છે. વોન્ટેડ આરોપી શરીફ ખાન દાઉદ ઇબ્રાહિમ માટે કામ કરી ટાડા, નાર્કો,હથિયારો અને હત્યા સહિત ખંડણીના અનેક ગુનાઓમાં સંડોવાયેલા છે અને જે હાલ પાકિસ્તાનમાં દાઉદ માટે કામ કરી રહયો છે.

(10:46 pm IST)
  • આજે પ્રચંડ હિટવેવની હવામાનની ચેતવણીઃ ભારતીય હવામાન તંત્ર રાજસ્થાન, એમપી, તેલગણા, આંધ્ર અને ઉ.પ્ર. પ્રચંડ હિટવેવની ચેતવણી આપી છે. આંધ્રમાં ૪૪થી ૪૮ ડિગ્રી સુધી તાપમાન જવા ભીતી દર્શાવી છે. access_time 10:26 am IST

  • ભારતમાં કોરોનાએ ભરડો લીધો : સંક્રમિતની સંખ્યામાં ઝડપી વધારો : છેલ્લા 24 કલાકમાં 6663કેસ વધ્યા : રાત્રે 12 વાગ્યા સુધીમાં દેશમાં કોરોનાના 1, 31,423 કેસ નોંધાયા : 73,162 એક્ટિવ કેસ : 54,385 દર્દીઓ રિકવર થયા ; વધુ 142 લોકોના મોત સાથે મૃત્યુઆંક 3868 થયો :મહારાષ્ટ્રમાં સૌથી વધુ નવા 26080 કેસ અને તામિલનાડુમાં 759 કેસ વધ્યા :દિલ્હીમાં 591 નવા કેસ નોંધાયા access_time 12:39 am IST

  • મહારાષ્ટ્રમાં આજે એક જ દિવસમાં સૌથી વધુ 2940 કોવિડ -19 કેસ નોંધાયા છે, રાજ્યમાં પોઝિટિવ કેસની કુલ સંખ્યા 44,582 પર પહોંચી છે, જેમાં મુંબઈના ધારાવી વિસ્તારમાં આજે 53 નવા COVID19 પોઝિટિવ કેસ નોંધાયા છે. ધારાવીમાં કુલ પોઝિટિવ કેસ વધીને 1478 અને ધારાવી માજ 57 લોકોના મોત થયા છે: રાજ્ય આરોગ્ય વિભાગ access_time 8:04 pm IST