Gujarati News

મહેસાણા :મહેસાણામાં મ્યૂનિસિપલ ગ્રાઉન્ડનો વિકાસ કરીને ત્યાં એક અત્યાધુનિક ક્રિકેટ સ્ટેડિયમ બનાવવામાં આવશે. 9 કરોડના ખર્ચે તૈયાર થનારા આ ગ્રાઉન્ડમાં તમામ સુવિધા હોવાનું કહેવામાં આવી રહ્યું છે.

   ઉત્તર ગુજરાતનું પ્રથમ ક્રિકેટ સ્ટેડિયમ મહેસાણામાં બનશે. આ અંગે જાહેરાતમાં જણાવવામાં આવ્યું કે સ્ટેડિયમ બનાવવા માટે 9 કરોડ ફાળવવામાં આવ્યા છે, જેમાં પાંચ કરોડ રૂપિયા રાજ્ય સરકારની ગ્રાન્ટમાંથી લેવામાં આવશે, તથા બાકીના ચાર કરોડ રૂપિયા 14માં નાણાં પંચમાંથી લેવામાં આવશે

આ સ્ટેડિયમ મહેસાણામાં સ્થિત મ્યુનિસિપ ગ્રાઉન્ડ ખાતે બનાવવામાં આવશે જેમાં ક્રિકેટ, હોકી, વોલીબોલ, ફૂટબોલ, બાસ્કેટ બોલ, હેન્ડ બોલ અને ટેનિસ કોર્ટ રમત રમાઇ શકે તે માટે બનાવવામાં આવશે, આ સિવાય ક્રિકેટ સ્ટેડિયમમાં સ્ટડ લાઇટો હશે, તથા 3 હજાર પ્રેક્ષકો બેસી શકે તેવી વ્યવસ્થા કરવામાં આવશે. સ્ટેડિયમમાં રણજી કક્ષાની મેચ રમાઇ શકે તે પ્રકારે આંતરરાષ્ટ્રીય પ્રકારનું સ્ટેડિયમનું નિર્માણ કરવામાં આવશે. આ તમામ વસ્તુ 24 હજાર સ્કેવેર ફૂટ એરિયામાં તૈયાર કરવામાં આવશે.