Gujarati News

Gujarati News

News of Tuesday, 22nd September 2020

ઉત્તર અને દક્ષિણ ગુજરાતમાં વરસાદ વધવાની સંભાવના

ગાંધીનગર ખાતે વેધર વૉચ ગ્રૃપની બેઠક યોજાઈ : વરસાદી સિસ્ટમ નબળી પડતા ૨૪ સપ્ટેમ્બરથી વરસાદ ઘટવાની શક્યતા : ૨૫ સપ્ટેમ્બર બાદ વરસાદ નહિવત

ગાંધીનગર,તા.૨૨ : રાહત કમિશનર અને અધિક સચિવ હર્ષદ આર. પટેલના અધ્યક્ષ સ્થાને વેધર વોચ ગૃપનો વેબીનાર આજે ગાંધીનગર ખાતેથી યોજવામાં આવ્યો હતો. આ વેબીનારમાં આવતી કાલે છત્તીસગઢ પરનું હળવુ દબાણ પશ્ચિમ મધ્યપ્રદેશ તરફ ખસવાની શક્યતાને પગલે ઉત્તર ગુજરાત અને દક્ષિણ ગુજરાતમાં સામાન્ય વરસાદ વધવાની શક્યતા હોવાનું હવામાન વિભાગે જણાવ્યું છે. વેધર વોચ ગૃપના વેબીનાર બાદ સ્ટેટ ઇમરજન્સી ઓપરેશન સેન્ટર ખાતે મિડીયાને વિગતો આપતા રાહત કમિશનર હર્ષદ પટેલે જણાવ્યુ કે, આજે સવારે ૬.૦૦ થી બપોરના ૨.૦૦ સુધી ૫ તાલુકાઓમાં ૧  મીમી થી લઇ ૮ મીમી સુધી વરસાદ નોધાયો છે. ભરૂચ જિલ્લાના જંબુસર તાલુકામાં  સૌથી વઘુ ૦૮ મીમી વરસાદ નોધાયો છે. રાજયમાં અત્યાર સુધી તા.૨૨/૦૯/૨૦૨૦ અંતિત ૧૦૯૫.૫૫ મીમી વરસાદ થતો છે. જે પાછલા ત્રીસ વર્ષની રાજયની એવરેજ ૮૩૧ મીમી  ની સરખામણીએ ૧૩૧.૮૪ % છે. પટેલે કહ્યુ કે, IMD ના અધિકારીશ્રી દ્વારા આ બેઠકમાં જણાવાયુ છે કે, હાલમાં ગુજરાત પર કોઈ સ્ટ્રોંગ સીસ્ટમ સક્રિય ન હોઈ અતિભારે વરસાદ થવાની શક્યતા નહિવત છે. પરંતુ આવતી કાલે છત્તીસગઢ પરનું હળવુ દબાણ પશ્ચિમ મધ્યપ્રદેશ તરફ ખસવાની શક્યતાને પગલે ઉત્તર ગુજરાત અને દક્ષિણ ગુજરાતમાં સામાન્ય વરસાદ વધવાની શક્યતા છે. તે ઉપરાંત કેટલાક સ્થળોએ ભારે વરસાદ પણ થઈ શકે છે. આ સીસ્ટમ નબળી પડવાની હોઈ તા. ૨૪ સપ્ટેમ્બરથી વરસાદ ઘટવાની શક્યતા છે તેમજ તા. ૨૫ સપ્ટેમ્બર બાદ વરસાદ નહિવત રહેશે.  બેઠકમાં કૃષિ વિભાગ દ્વારા જણાવાયું હતું કે, રાજ્યમાં ચાલુ વર્ષે તા.૨૧/૦૯/૨૦૨૦ સુધીમાં અંદાજીત ૮૬.૨૨ લાખ હેક્ટર ખરીફ પાકોનું વાવેતર થયું છે. ગત વર્ષે સમાન સમયગાળા દરમ્યાન ૮૫.૮૭ લાખ હેક્ટર વાવેતર થયું હતું. આ વર્ષે છેલ્લા ત્રણ વર્ષની સરેરાશ વાવેતર વિસ્તારની સામે ૧૦૧.૫૬ ટકા વાવેતર થયું છે.સિંચાઇ વિભાગ દ્વારા આ બેઠકમાં જણાવાયું હતું કે, ગુજરાતની જીવાદોરી સમાન સરદાર સરોવર જળાશયમાં ૩,૧૯,૮૮૭ એમ.સી.એફ.ટી પાણીનો સંગ્રહ છે. જે કુલ સંગ્રહ શકિતના ૯૫.૭૫% છે. રાજયનાં ૨૦૫ જળાશયોમાં ૫,૨૩,૪૩૧ એમ.સી.એફ.ટી પાણીનો સંગ્રહ છે જે કુલ સંગ્રહ શકિતના ૯૩.૯૭% છે. હાલમાં રાજ્યમાં હાઇ એલર્ટ ૫ર કુલ -૧૭૪  જળાશય, એલર્ટ ૫ર કુલ-૦૭ જળાશય તેમજ વોર્નીગ ૫ર ૦૬ જળાશય છે.

(9:09 pm IST)
  • દેશમાં કોરોનાના કહેર વચ્ચે એક્ટીવ કેસમાં ઘટાડો : સતત ચોથા દિવસે નવા કેસ કરતા રિકવર થનારની સંખ્યા વધતા એક્ટિવ કેસ ગઈકાલના 10 લાખની અંદર સરક્યા: નવા કેસ અને રિકવર વચ્ચે સતત વધતો ગેપ : રિકવરી રેઈટ 80 ટકાથી વધુ access_time 11:04 pm IST

  • લડાખ સરહદે વધુ સૈનિકો મોકલવાનું બંધ કરવા ચીન અને ભારત વચ્ચે સમજૂતી : ચીન અને ભારત બંને સરહદ ઉપર, ફ્રન્ટ લાઈન ઉપર, વધુ સૈનિકો મોકલવાનું બંધ કરવા, જમીન પરની હાલની પરિસ્થિતિ એકતરફી નહિ બદલવા, અને પરિસ્થિતિને જટિલ બનાવી શકે તેવા કોઈપણ પગલાં લેવાનું ટાળવા માટે સહમત થયા હોવાનું ચીનના રાષ્ટ્રીય સંરક્ષણ મંત્રાલયના પ્રવક્તાએ જણાવ્યુ છે. ચીન અને ભારત બંને દેશોનું સત્તાવાર સંયુક્ત નિવેદન ટૂંક સમયમાં જાહેર થશે. access_time 11:59 pm IST

  • સુરતમાં ક્વોરી માલિક દુર્લભ પટેલની આત્મહત્યાના મામલે આરોપી PI લક્ષ્મણ બોડાણાને સસ્પેન્ડ કર્યા બાદ પુરાવાઓ સાથે ચેડા ન થાય તે માટે જૂનાગઢ પોલીસ તાલીમભવનમાં કરાઈ બદલી access_time 10:35 pm IST