Gujarati News

Gujarati News

News of Tuesday, 22nd September 2020

અમદાવાદ : મેમકો બ્રિજ નીચે યુવકની થયેલી હત્યાનો ભેદ ઉકેલાયો : ઊંચા અવાજે વાત કરતા ઉશ્કેરાયેલ યુવકોએ ચપ્પુના ઘા મારતા મોત

અમદાવાદ ક્રાઇમ બ્રાન્ચે બે સગીર આરોપી સહિત 5 શખ્સોની પોલીસે ધરપકડ કરી

અમદાવાદ: શહેરના મેમકો બ્રિજ નીચે યુવકની થયેલી હત્યાનો ભેદ ઉકેલાયો છે  ક્રાઇમ બ્રાન્ચે આ ગુનામાં 5 આરોપીઓની ધરપકડ કરી શહેરકોટડા પોલીસને સોંપ્યા છે

 નરોડા પાસે આવેલા મેમકો બ્રિજ નીચે 36 વર્ષીય યુવકની હત્યા કરાયેલી હાલતમાં લાશ મળી આવી હતી. આ મામલે બે સગીર આરોપી સહિત 5 શખ્સોની પોલીસે ધરપકડ કરી છે. પોલીસની તપાસના સામે આવ્યું કે મૃતક રામલખનસિંગ ભદોરીયા માનસિક બીમારીની સારવાર લેવા માટે છેલ્લા 4 મહિનાથી બાપુનગરમાં પોતાની બહેનના ઘરે રહેતો હતો. અને 17મી સપ્ટેમ્બરના રોજ પોતાના વતન પરત જવાનું કહીને ઘરેથી બેગ લઈને નીકળ્યો.

મેમકો બ્રિજ નીચે આવેલા મંદિરે યુવક સૂતો હતો ત્યારે મોડી રાત્રે 5 શખ્સો નશાની હાલતમાં ત્યાં જમવા બેઠા અને એકબીજાને ગાળો આપી મશ્કરી કરતા હતા. જેથી મૃતક યુવકે આ શખ્સોને અવાજ ઓછો કરવાનો કહેતા તમામ યુવકો ઉશ્કેરાઈ ગયા અને અમરેશ ચૌધરી નામના શખ્સે નશાની હાલતમાં યુવકને ચપ્પુના ઘા મારતા યુવકનું મોત થયું હતું. આ મામલે અમદાવાદ ક્રાઇમબ્રાન્ચે પાંચેય આરોપીઓને ઝડપીને શહેરકોટડા પોલીસને સોંપ્યા હતા. આરોપીઓની પૂછપરછમાં એ પણ સામે આવ્યું કે આ ગુનાનો મુખ્ય આરોપી અમરેશ ચૌધરી સ્પર્ધાત્મક પરીક્ષાની તૈયારી કરતો હતો. આ ગુનામાં પકડાયેલા તમામ આરોપીઓમાંથી એક પણ આરોપીનો ગુનાહિત ઇતિહાસ ન હોવાનું ખુલ્યું છે. ત્યારે શહેરકોટડા પોલીસે આ હત્યામાં વપરાયેલ ચપ્પુને શોધવાની તજવીજ હાથ ધરી છે.

(10:49 pm IST)
  • RTE મામલે મનમાની કરનાર શાળા સામે કાર્યવાહી થશે. પ્રવેશ આપવામાં વિલંબ થાય તો વાલીઓ rte.dpe@gmail.com પર ફરિયાદ કરી શકશે. access_time 10:37 pm IST

  • ૨૭૦ વ્હેલ માછલીઓ ઓસ્ટ્રેલિયાઇ દ્વીપ તસ્માનિયાના કિનારા પર ફસાયેલ મળી, રપની બચવાની સંભાવના નથીઃ તસ્વીરો સામે આવી : સમુદ્રી જીવવિજ્ઞાનીઓ આ વ્હેલોને બચાવવાની યોજના બનાવી રહ્યા છે. વૈજ્ઞાનિકોએ કહ્યું કે ઓછામાં ઓછી રપ વ્હેલ પહેલાજ મરી ચૂકી છે આ બધી પાયલટ વ્હેલ છે. access_time 11:47 am IST

  • કાલે નરેન્દ્રભાઇ કોરોનાથી સૌથી વધુ પ્રભાવિત સાત રાજયોના મુખ્યમંત્રી સાથે વર્ચ્યુઅલ મીટિંગ કરશે : આ મીટિંગમાં મહારાષ્ટ્ર, આંધ્રપ્રદેશ, કર્ણાટક, ઉત્તરપ્રદેશ, તામિલનાડુ, દિલ્હી અને પંજાબના મુખ્યમંત્રીઓ રહેશે હાજર access_time 3:05 pm IST