Gujarati News

Gujarati News

News of Saturday, 22nd September 2018

સુરતઃ કુટુંબીજનોથી ત્રાસી ઓલપાડના નિવૃત મામલતદારે જીવન ટુકાવ્યું

૧૪ પાનાની સ્યુસાઇડનોટમાં સગાભાઇ સહિત ૨૩ના નામનો ઉલેખ કર્યો

સુરત, તા.૨૨: ચાર મહિના પહેલા જ મામલતદાર તરીકે રિટાયર્ડ થયેલા ઓલપાડના  કાંતિભાઈ પટેલે (૬૦)એ ૨૦ વર્ષથી સંબંધીઓના માનસિક ત્રાસને લઈ તણાવમાં ૧૪ પાનની સ્યુસાઈડ નોટ લખી ઓલપાડ ખાતે ઘરના પાર્કિંગમાં ફાંસો લગાવી આપદ્યાત કરી લીધો છે.

ઓલપાડ ટાઉનના ઝાંપા ફળિયામાં રહેતા કાંતિભાઈ રામુભાઇ પટેલ ચાર મહિના પહેલા જ વડોદરા જિલ્લાના નસવાડી ખાતે મામલતદાર તરીકે રિટાયર્ડ થયા હતા. તેઓ પછીથી પોતાના દીકરો ભાવેશ પટેલના પરિવાર સાથે રહેતા હતાં. શુક્રવારની સવારે ૧૧ કલાકે ડો.ભાવેશ અને તેમની પોતાની કાર સર્વિસ કરાવવા ગયેલા. તેમની પત્ની ડોકટર નેહા પોતાના કિલનિક પર ગયેલ હતી. ત્યારે કાંતિભાઈ અને તેમની પત્ની તથા પૌત્ર ઘરે હતા.

ત્યારે અચાનક કાંતિભાઈએ પોતાના ઘરના પાર્કિંગમાં  ફાંસો ખાઇ લીધો હતો. તે સમયે કોઈ કામ અર્થે ઘરે આવેલા ડો. નેહાએ જોતા આઘાત લાગ્યો હતો. તેમણે આ બાબતે તુરંત ભાવેશભાઈને ફોન કરી જાણ કરતા કાંતિભાઈને સારવાર માટે સામુહિક આરોગ્ય કેન્દ્રમાં લઈ જતાં તબીબે મૃત જાહેર કર્યા હતા.

આત્મહત્યા કરતી વખતે કાંતિભાઈએ પહેરેલાં કપડાં પૈકી ગંજીમાંથી સ્યુસાઇડ નોટ સાથે કેટલાંક કાગળો રાખેલાં મળી આવ્યાં હતાં. કાંતિભાઈએ લખેલી કુલ ૧૪ પાનાંની સ્યુસાઇડ નોટ ભાવેશ ભાઈએ વાંચતાં તેમાં કુલ ૨૩ વ્યકિતઓ કે જેમાં કાંતિભાઈના સગાભાઇ અને અન્ય નજીકનાં કુટુંબીઓનાં નામો લખેલાં હતાં.

દીકરો ઓસ્ટ્રેલિયામાં હોવાથી માતા નીતાબેન, ભાઈ ભાવેશભાઈનો દીકરો દક્ષને ઓસ્ટ્રેલિયા બોલાવ્યા હતા. ત્યારે શુક્રવારે સાંજે ડો. ભાવેશભાઈ દીકરાને એરપોર્ટ મૂકવા જવાના હોવાથી બધા ખુશ હતા. ત્યારે શુક્રવારે કાંતિભાઈએ અચાનક ફાંસો લગાવી આત્મહત્યા કરી લેતા ખુશી માતમમાં ફેરવાઈ હતી.(૨૨.૭)

 

(3:34 pm IST)
  • બોરસદ તાલુકાના અલારસા ગામની ચિભડીયાપુર સીમમાં યુવતીની હત્યા કરાયેલ મળી લાશ : યુવતીની લાશ નગ્ન હાલતમાં મળતા રેપ વિથ મર્ડરની આશંકા:હાલ બોરસદ પોલીસે યુવતીની લાશને પેનલ ડોક્ટર થી પીએમ માટે કરમસદ હોસ્પિટલ ખસેડી :અજાણ્યા હત્યારાને શોધવા ચક્રોગતિમાન કર્યા access_time 10:45 pm IST

  • ગોવા કોંગ્રેસે કરી વિધાનસભાના સ્પીકર હટાવવાની માંગ :સચિવને સોંપ્યો પાત્ર ;14 ધારાસભ્યોનું સમર્થન : 40 સભ્યોવાળીગોવા વિધાનસભામાં કોંગ્રેસના 16 સભ્યો છે :કોંગ્રેસે સાવંતને હટાવવા માટે સત્ર બોલવવા 14 દિવસની નોટિસ આપી access_time 1:12 am IST

  • સુરતના કામરેજ તાલુકાના કઠોરમાં જાહેરમાં તલવારો ઉછાળી: મેપલ વિલા પાસે બે પક્ષો જમીનના પ્લોટના વિવાદને કારણે આમને સામને :જાહેર રસ્તા પર એકબીજા સાથે દાદાગીરી : તલવારો ઉછળતા સ્થાનીકોમાં ફફડાટનો માહોલ ફેલાયો access_time 9:16 pm IST