Gujarati News

ચાણસ્મા: તાલુકાના દેલમાલ ગામે લીંબજ માતાજીના મંદિરના આગળના ભાગે આવેલ છત્રીના ચાર સ્તંભ પૈકી એક સ્તંભ ત્રણ-ચાર માસ અગાઉ ધરાશાયી થઈ ગયો હતો. જેને આજે ચાર-ચાર માસ થવા છતાં માત્ર ટેકો આપી ઉભો કરી દેવાયો છે. હાલમાં પુરાતત્વ વિભાગ દ્વારા આરક્ષિત જાહેર કરાયેલ આ સ્મારકની જાળવણીને લઈ ગામલોકો સહિત શ્રધ્ધાળુઓમાં ભારે કચવાટ જોવા મળી રહ્યો છે. તંત્ર દ્વારા વહેલી તકે જીર્ણોદ્ધાર કરવામાં નહી આવે તો આ પ્રાચીન ધરોહર સમુ મંદિર એક દિવસ ભુતકાળ બની જશે તેવી દહેશત વ્યક્ત કરવામાં આવી રહી છે. હાલ તો આ મંદિર પડવાના વાંકે ઉભુ છે.

૭૦૦ થી ૮૦૦ વર્ષ પ્રાચીન આ મંદિરના મુખ્ય શીખર તેમજ અન્ય નાના-મોટા ઘુમ્મટ વિગેરેના પથ્થર પણ છુટા પડી ગયા છે. જેના કારણે ચોમાસામાં વરસાદી પાણી મંદિરમાં ઉતરે છે. આ પાણી મંદિરના પાયામાં ઉતરતાં પ્રાચીન સ્મારકને મોટુ નુકશાન થઈ શકે તેમ છે.